(സിഎഎ) ചട്ടങ്ങള്‍ രൂപീകരിക്കുന്നതിനു മൂന്നുമാസം കൂടി വേണമെന്ന് ആഭ്യന്തരമന്ത്രാലയം
ന്യൂഡല്‍ഹി: പാക്കിസ്ഥാൻ, അഫ്ഗാനിസ്ഥാൻ, ബംഗ്ലാദേശ് എന്നീ രാജ്യങ്ങളിൽ നിന്നുള്ള മുസ്‌ലിമേതര മതവിഭാഗങ്ങളിൽ പെട്ട അഭയാർഥികൾക്ക് ഇന്ത്യൻ പൗരത്വം അനുവദിക്കുന്ന പൗരത്വ നിയമ ഭേദഗതി (സിഎഎ) ചട്ടങ്ങള്‍ രൂപീകരിക്കുന്നതിനു മൂന്നുമാസം കൂടി വേണമെന്ന് ആഭ്യന്തരമന്ത്രാലയം. നിയമം പാസാക്കി ആറുമാസത്തിനകം ചട്ടങ്ങള്‍ രൂപവല്‍ക്കരിക്കണമെന്നാണു നിയമം. ഈ സാഹചര്യത്തിലാണ് പാര്‍ലമെന്‍ററി സ്റ്റാന്‍ഡിംഗ് കമ്മിറ്റി മുമ്പാകെ ആവശ്യം ഉന്നയിച്ചിരിക്കുന്നത്. എന്തുകൊണ്ടാണ് ചട്ടങ്ങള്‍ രൂപവല്‍ക്കരിക്കാന്‍ വൈകുന്നതെന്ന് സമിതി ചോദിച്ചിരുന്നു.
8 മാസം മുന്‍പാണു പാര്‍ലമെന്റ് പാസാക്കിയത്. ഡിസംബര്‍ 12നു പ്രസിഡന്റ് അംഗീകാരം നല്‍കി. മന്ത്രാലയത്തിന്റെ അഭ്യര്‍ഥന സമിതി അംഗീകരിക്കുമെന്നു ബന്ധപ്പെട്ടവര്‍ പറഞ്ഞു. പൗരത്വ നിയമം പാസാക്കിയതിനു ശേഷം രാജ്യവ്യാപകമായ പ്രക്ഷോഭം നടന്നിരുന്നു. കോവിഡ് വ്യാപിച്ചതോടെയാണ് പ്രക്ഷോഭങ്ങള്‍ അവസാനിച്ചത്. സമരം സംബന്ധിച്ച അറസ്റ്റുകള്‍ ഈയിടെയും ഡല്‍ഹിയിലും മറ്റും നടന്നിരുന്നു.
Leave A Comment