സിഎഎക്കെതിരെ നിലപാട്: നേതാജിയുടെ ചെറു മകനെ ബിജെപി പുറത്താക്കി
.jpeg)
ന്യൂഡൽഹി: നേതാജി സുഭാഷ് ചന്ദ്രബോസിന്റെ ചെറുമകനും ബി.ജെ.പി പശ്ചിമ ബംഗാള്‍ വൈസ് പ്രസിഡന്‍റുമായ ചന്ദ്രകുമാര്‍ ബോസിനെ പാർട്ടിയിൽ നിന്ന് പുറത്താക്കി. പൗരത്വ ഭേദഗതി നിയമത്തെ എതിര്‍ത്തതിന്‍റെ പേരിലാണ് അദ്ദേഹത്തെ പുറത്താക്കിയത്.
മുഖ്യമന്ത്രി മമത ബാനർജിയെ അട്ടിമറിച്ച് അടുത്ത വര്‍ഷം നടക്കുന്ന സംസ്ഥാന നിയമസഭ തെരഞ്ഞെടുപ്പിൽ ഭരണത്തിലേറാനുള്ള ശ്രമത്തിന്റെ ഭാഗമായാണ് ബിജെപിയുടെ നടപടി. അയല്‍രാജ്യങ്ങളില്‍ പീഡനത്തിനിരയാകുന്ന എല്ലാവര്‍ക്കും പൗരത്വം നല്‍കണമെന്നും മുസ്ലിംകളെ ഒറ്റപ്പെടുത്തരുതെന്നും ആവശ്യപ്പെട്ട് പ്രധാനമന്ത്രിക്കും അമിത് ഷായ്‌ക്കും അദ്ദേഹം നിരവധി തവണ കത്തയിച്ചിരുന്നു.
തന്നെ പുറത്താക്കിയ നടപടിയിൽ പ്രതികരണവുമായി ബോസ് രംഗത്തെത്തി. സി.എ.എ വിഷയത്തില്‍ പാര്‍ട്ടി നിലപാടിനെ എതിര്‍ത്തതിനാലാണ് തന്നെ പുറത്താക്കിയതെന്ന് ബോസ് മാധ്യമങ്ങളോട് പറഞ്ഞു. പുറത്താക്കപ്പെടുന്നതിന് മുമ്പ് തന്നോട് ആലോചിച്ചിട്ടില്ലെന്നും തീരുമാനം വ്യക്തിപരമായി അറിയിച്ചിട്ടില്ലെന്നും തെരഞ്ഞെടുപ്പ് വിജയം ലക്ഷ്യം വെച്ചുള്ള തന്ത്രമാണിതെന്നും അദ്ദേഹം ആരോപിച്ചു.
Leave A Comment