രോഗപ്പകര്ച്ചയെ പറ്റി ഇസ്ലാമിന്റെ കാഴ്ചപ്പാട് എന്താണ്? “ലാ അദ്’വാ” അഥവാ “രോഗം പകരില്ല”എന്ന് മുഹമ്മദ് നബി (സ) പറഞ്ഞിട്ടുണ്ടോ? “സിംഹത്തില് നിന്ന് ഓടിയൊളിക്കും പോലെ കുഷ്ഠരോഗിയില് നിന്നും നിങ്ങള് ഓടിയൊളിക്കണം’’, “ആരോഗ്യമുള്ള(ഒട്ടകങ്ങളുടെ)കൂടെ രോഗമുള്ളവയെ വെള്ളം കുടിക്കാന് കൊണ്ടുവരരുത്’’, ‘’ പ്ലേഗ് ബാധിത പ്രദേശത്ത് ചെല്ലരുത്” എന്നൊക്കെയുള്ള അധ്യാപനങ്ങൾ രോഗം പകരും എന്നതിന് തെളിവല്ലേ?
ചോദ്യകർത്താവ്
Mishal
Feb 5, 2020
CODE :Fiq9601
അല്ലാഹുവിന്റെ തിരുനാമത്തില്, അവനാണ് സര്വ്വസ്തുതിയും, മുഹമ്മദ് നബി (സ്വ)യിലും കുടുംബത്തിലും അനുചരന്മാരിലും അല്ലാഹുവിന്റെ സ്വലാത്തും സലാമും സദാ വര്ഷിക്കട്ടേ.
ലാ അദ്’വാ അഥവാ പകര്ച്ചയില്ല എന്ന നബിവചനത്തിന്റെ പൊരുള് ജാഹിലിയ്യാ കാലത്ത് ആളുകള് വിശ്വസിച്ചുപോന്നിരുന്നത് പോലെ രോഗങ്ങള്ക്ക് സ്വമേധയാ പ്രകൃതിപരമായി പകരാനുള്ള കഴിവുണ്ടെന്നത് ശരിയല്ലെന്നും രോഗം പകരുന്നത് അല്ലാഹുവിന്റെ ഇറാദത്ത് അനുസരിച്ചാണെന്നുമാണ്.
രോഗം പകരുന്നതിന് അല്ലാഹു ചില കാരണങ്ങള് ഉണ്ടാക്കിയേക്കാം. അത്തരം സാഹചര്യങ്ങളില് ശ്രദ്ധപുലര്ത്തണമെന്നും സൂക്ഷിക്കണമെന്നുമാണ് മറ്റുഹദീസുകളുടെ അധ്യാപനം.
കൂടുതല് അറിയാനും അത് അനുസരിച്ച് പ്രവര്ത്തിക്കാനും അല്ലാഹു തൌഫീഖ് പ്രദാനം ചെയ്യട്ടേ.