മുത്തു നബി (സ്വ ) തങ്ങളുടെ പേരിലേക്ക് ഖത്തം , യാസീൻ അങ്ങനെ ഓതുന്നത് കൊണ്ട് കുഴപ്പം ഉണ്ടോ , അങ്ങെനെ പാടുണ്ടോ , സ്വലാത്തു ചൊല്ലുന്നുണ്ട് , അതിനെ കുറിച്ച് മാത്രമേ കേട്ടിട്ടുള്ളു , ഒന്ന് പറഞ്ഞു തരാമോ
ചോദ്യകർത്താവ്
oru sahodhari
Jul 7, 2019
CODE :Abo9347
അല്ലാഹുവിന്റെ തിരുനാമത്തില്‍, അവനാണ് സര്‍വ്വസ്തുതിയും, മുഹമ്മദ് നബി (സ്വ)യിലും കുടുംബത്തിലും അനുചരന്മാരിലും അല്ലാഹുവിന്റെ സ്വലാത്തും സലാമും സദാ വര്‍ഷിക്കട്ടേ.
മരണപ്പെട്ടവരുടെ പേരില്‍ വിശുദ്ധ ഖുര്‍ആന്‍ ഓതല്‍ സുന്നത്താണ്. ഇക്കാര്യം നാലു മദ്ഹബിലേയും പണ്ഡിതന്മാരും വിശുദ്ധ ഖുർആന്‍ വ്യാഖ്യാതാക്കളും അംഗീകരിച്ചതാണ്. (ശറഹു മുസ്ലിം, അദ്കാര്‍, തദ്കിറ, അശ്ശറഹുല്‍ കബീര്‍, അല്‍ മഖ്സ്വദുല്‍ അര്‍ശദ്, തബ്യീനുല്‍ ഹഖാഇഖ്, ശറഹുല്‍ ഇഹ്യാഅ്). അതിനാല്‍ മരണപ്പെട്ടവരില്‍ അത്യുന്നതനായ അല്ലാഹുവിന്റെ റസൂലിന്റെ പേരില്‍ യാസീനും ഖത്മും എന്തായാലും ഓതാം.
കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും അല്ലാഹു തൌഫീഖ് പ്രദാനം ചെയ്യട്ടേ.
