Islamonweb

അല്ലാഹുവിന്റെ തിരുനാമത്തില്‍ ആരംഭിക്കുന്നു, അവനാണ് സര്‍വ്വസ്തുതിയും, പ്രവാചകർ (സ്വ) യുടെയും കുടുംബത്തിന്‍റെയും അനുചരന്മാരുടേയും മേല്‍ അല്ലാഹുവിന്‍റെ അനുഗ്രഹങ്ങള്‍ സദാ വര്‍ഷിക്കട്ടേ.

ബഹു ദൈവാരാധകർ ആരാധിക്കുകയും ബഹുമാനിക്കുകയും ചെയ്യാൻ വേണ്ടി ഉണ്ടാക്കുന്ന ബിംബങ്ങളോടും ക്രിസ്ത്യാനികൾ ആരാധിക്കുകയും വന്ദിക്കുകയും ചെയ്യാൻ വേണ്ടി ഉണ്ടാക്കുന്ന കുരിശിൽ തറച്ച രൂപത്തോടും വന്ദിക്കുക, പരിഗണന നൽകുക എന്ന വിഷയത്തിലെങ്കിലും സാദൃശ്യമുണ്ടാകാം എന്ന കാരണത്താലും റൂഹ് കൊടുക്കുകയെന്നത് അല്ലാഹുവിന് മാത്രം കഴിയുന്ന കാര്യമാതിനാൽ അതിനോട് സാദൃശ്യപ്പെട്ട് ജീവനുള്ളവയുടെ രൂപം ഉണ്ടാക്കലും കൊത്തിവെക്കലും തുന്നിപ്പിടിപ്പിക്കലും മനുഷ്യന്റെ പണിയല്ലാത്തതിനാലും അങ്ങനെ ചെയ്യൽ നിഷിദ്ധമാണ് എന്നാണ് ശറഇന്റെ വീക്ഷണം. ഇക്കാര്യം നിരവധി ഹദീസുകളിൽ (ബുഖാരി, മുസ്ലിം) വന്നതും ഹദീസ് പണ്ഡിതരും (ഫത്ഹുൽ ബാരി, ശറഹു മുസ്ലിം) കർമ്മശാസ്ത്ര പണ്ഡിതരും (തുഹ്ഫ, ശറഹുൽ മുഹദ്ദബ്) വ്യക്തമായി പ്രതിപാദിച്ചതുമാണ്. എന്നാൽ നിഴലും തടിയുമില്ലാത്ത ചിത്രങ്ങൾ വരക്കലും സൂക്ഷിക്കലും (ജീവനുള്ള വസ്തുക്കളുടെ പുതിയ ഒരു സൃഷ്ടിപ്പ് നടത്താതെ നിലവിലുള്ള ഒരു സൃഷ്ടിയുടെ കോപ്പിയെടുക്കുക അല്ലെങ്കിൽ അതിന്റെ നിഴൽ പകുർത്തുകയെന്ന പരിപാടിയായ)  ഫോട്ടോയെടുത്ത് സൂക്ഷിക്കലും  അനുവദനീയമാണോ എന്ന കാര്യത്തില് രണ്ട് അഭിപ്രായമുണ്ട്. ഇന്നത്തെ കാലത്ത് ഫോട്ടോയെടുക്കലും സൂക്ഷിക്കലും പലപ്പോഴും ആവശ്യമായി വരുന്നതിനാൽ (ആ ഫോട്ടക്കും ചിത്രങ്ങൾക്കും ഏതെങ്കിലും രീതിയിൽ പരിഗണന നൽകുകയെന്ന ഉദ്ദേശ്യമില്ലാതെ) അത്യാവശ്യത്തിന് വേണ്ടി അങ്ങനെ പറ്റുമെന്നും അല്ലെങ്കിൽ പറ്റില്ലെന്നുമാണ് പ്രബലമായ അഭിപ്രായം. ജീവനുള്ള വസ്തുവിന്റെ രൂപത്തിലുള്ള കേക്ക് ഉണ്ടാക്കി വിറ്റാൽ ആ വിൽപന ശരിയാകുമോയെന്ന വിഷയവും മറ്റും കർമ്മശാസ്ത്ര പണ്ഡിതർ വിശകലനം ചെയ്തിട്ട് ഇക്കാര്യത്തിലെ ഹലാലും ഹറാമും വരുന്ന രീതി വ്യക്തമാക്കുന്നുണ്ട്. (ശർവാനി, അൽകൌക്കബുൽ മുനീർ, ഹാശിയത്തു അമീറഃ, ഹാശിയത്തുന്നിഹായ). ചുരുക്കത്തിൽ മൊബൈലിലെ ഐക്കണുകളായാലും പണ്ഡിതന്മാരുടേയും മറ്റും ഫ്ലക്സുകളായാലും അവ ഉണ്ടാക്കലും ഡൌൺലോഡ് ചെയ്യലും സൂക്ഷിക്കലും അത്യാവശ്യണോ എന്നതാണ് പ്രശ്നം. പ്രത്യേകമായി ആദരവ് നൽകുക, പരിഗണന നൽകുക എന്നീ ഉദ്ദേശ്യങ്ങൾ അതിൽ ഉണ്ടെങ്കിൽ അത് അനുവദനീയമല്ല. അല്ലെങ്കിൽ അത് നിഷിദ്ധമല്ല. പ്രത്യേകിച്ച് ഉദ്ദേശ്യമൊന്നുമില്ലെങ്കിൽ കറാഹത്തുമാണ്. ആധുനി പണ്ഡിതന്മാരിൽ ബഹു ഭൂരിപക്ഷത്തിന്റേയും അഭിപ്രായവും ഇത് തന്നെയാണ് (അഹ്കാമുത്തസ്വീർ). ഏത് അഭിപ്രായമെടുത്താലും ഇത്തരം ബ്രൌസറുകൾ മൊബൈലിൽ സൂക്ഷിക്കുന്നത് കഴിവതും ഒഴിവാക്കുകയാണ് വേണ്ടത് എന്ന കാര്യം വ്യക്തമാണല്ലോ. والله أعلم  

കൂടുതല്‍ അറിയാനും അത് അനുസരിച്ച് പ്രവര്‍ത്തിക്കാനും അല്ലാഹു തൌഫീഖ് നൽകട്ടേ.