New Questions

ലോക നേതാക്കളെ നോമ്പ് തുറക്കാന്‍ വിളിക്കുന്ന ഫലസ്തീനി അഭയാര്‍ഥി ബാലന്റെ കഥ പറയുന്ന സംഗീത വീഡിയോ വൈറലാകുന്നു. സൈന്‍ റമദാന്‍ 2018 എന്ന പേരില്‍ പുറത്തിറക്കിയ വീഡിയോ ഒറ്റ ദിവസം കൊണ്ട് 20 ലക്ഷം പേരാണ് യൂട്യൂബില്‍ കണ്ടത്.

അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്, റഷ്യ പ്രസിഡന്റ് വ്‌ളാദിമിര്‍ പുടിന്‍, ഉത്തരകൊറിയ നേതാവ് കിം ജോങ് ഉന്‍, ജര്‍മന്‍ ചാന്‍സലര്‍ ആംഗെല മെര്‍ക്കല്‍ തുടങ്ങിയ ലോക നേതാക്കളെ ഇഫ്താര്‍ വിരുന്നിന് ക്ഷണിക്കുന്ന കുട്ടി ആണ് മ്യൂസിക് വീഡിയോയിലെ കേന്ദ്രകഥാപാത്രം. 

തന്റെ രാജ്യമായ ഫലസ്തീന്‍ നേരിടുന്ന നിലനില്‍പ് ഭീഷണിയും ജനങ്ങള്‍ അനുഭവിക്കുന്ന കഷ്ടപ്പാടുകളും ലോകനേതാക്കള്‍ക്ക് മുന്‍പില്‍ വിവരിക്കുന്നതു പോലെയാണ് ഗാനം ചിട്ടപ്പെടുത്തിയിരിക്കുന്നത്.

അഭയാര്‍ഥികളെ സൃഷ്ടിക്കുന്ന ലോകക്രമത്തെ കൂടി ഈ കലാസൃഷ്ടി ചോദ്യം ചെയ്യുന്നുണ്ട്. ഹെബ മെഷാരിയുടെതാണ് വരികള്‍. സമീര്‍ അബൂദ് ആണ് ഈ മ്യൂസിക് വീഡിയോ സംവിധാനം ചെയ്തത്. 

വീഡിയോയുടെ അവസാനം തങ്ങളുടെ ഇഫ്താര്‍ ഫലസ്തീന്റെ തലസ്ഥാനമായ ജെറുസലേമിലായിരിക്കും എന്ന് കുട്ടി ട്രംപിനോട് വെളിപ്പെടുത്തുന്നുണ്ട്. 

അറബ് ലോക നേതാക്കളുടെ കൈപിടിച്ച് അല്‍ അഖ്‌സ പള്ളിയിലേക്ക് നടന്നുനീങ്ങുന്ന കുട്ടിയിലൂടെയാണ് വീഡിയോ അവസാനിക്കുന്നത്. കഴിഞ്ഞ ആഴ്ച പുറത്തിറങ്ങിയ സംഗീത വീഡിയോ രണ്ട് ദിവസം കൊണ്ട് 20 ലക്ഷത്തോളം പേരാണ് കണ്ടത്.

https://www.youtube.com/watch?v=JIJB7cv97Dg

 

TODAY'S WORD

 നന്മ കൊതിക്കുന്നവരേ, മുന്നോട്ടു വരിക. തിന്മയില്‍ അഭിരമിക്കുന്നവരേ, പിറകോട്ടു പോവുക (തുര്‍മുദി).

 

FROM SOCIAL MEDIA

ഈ റമദാനില്‍ നിങ്ങള്‍ എന്തിനാണ് കൂടുതല്‍ സമയം ചെലവഴിക്കുക?

4.6%
79.31%
13.79%
2.3%

Aqeeda

image
വിചാരണയുടെ വിവിധ മുഖങ്ങള്‍
ഐഹികജീവിതത്തെ കുറിച്ച് സമ്പൂര്‍ണ വിചാരണ നടത്തുന്നതിന് വേണ്ടിയാണ് മനുഷ്യരടക്കമുള്ള മുഴുവന്‍ സൃഷ്ടിജാലങ്ങളെയും മഹ്ശറില്‍ അല്ലാഹു ഒരുമിച്ചുകൂട്ടുന്നത്. പുനരുത്ഥാനം മുതല്‍ സ്വര്‍ഗ-നരക പ്രവേശനം വരെയുള്ള കാലയളവ് അത്യന്തം ദൈര്‍ഘ്യമേറിയതായിരിക്കും. ഇത് അമ്പതിനായിരം വര്‍ഷത്തിനു സമാനമായിരിക്കുമെന്ന് പ്രവാചകവചനങ്ങളില്‍ കാണാം. എന്നാല്‍ സദ്‌വൃത്തനായ സത്യവിശ്വാസിയെ സംബന്ധിച്ചേടത്തോളം ഇത് വളരെ കുറഞ്ഞ സമയമായിട്ടാണനുഭവപ്പെടുക. വിചാരണ ദിവസത്തില്‍ അല്ലാഹുവിന്റെ ശോഭയാല്‍ ഭൂമി പ്രകാശിക്കുന്നതായും വാനലോകത്തുനിന്നും മ

Tasawwuf

സുന്നത്ത് നിസ്‌ക്കാരങ്ങള്‍ സുകൃത വഴികള്‍

ഇസ്ലാമിക പഞ്ചസ്തംഭങ്ങളിലെ രണ്ടാമത്തേതാണ് നിസ്‌ക്കാരം. സ്വര്‍ഗത്താക്കോലായി അറിയപ്പെടുന്ന നിസ്‌ക്കാരമാണ് വിശ്വാസിയും അവിശ്വാസിയും തമ്മിലുള്ള പ്രധാന അന്തരം. രാപ്പകലുകളിലായി അഞ്ചു നിസ്‌ക്കാരങ്ങളാണല്ലൊ അല്ലാഹു നിര്‍ബന്ധമാക്കിയിട്ടുള്ളത്. അവ യഥാസമയം മുറപോലെ നിര്‍വ്വഹിക്കാനും അല്ലാഹു കല്‍പ്പിച്ചിട്ടുണ്ട്. : 'എല്ലാ നിസ്‌ക്കാരങ്ങളെയും ഏറ്റവും ഉല്‍കൃഷ്ടമായ നിസ്‌ക്കാരത്തെയും നിങ്ങള്‍ നിഷ്ഠയോടെ നിലനിര്‍ത്തുകയും അല്ലാഹുവിനോട് അനുസരണയും വിനയ ഭയഭക്തിയുമുള്ളവരായി നില്‍ക്കുകയും ചെയ്യുക' (ഖുര്‍ആന്‍, സൂറത്തുല്‍ ബഖറ 238).

യഥാവിധി സമയനിഷ്ഠയോടെ ഭക്തിപൂര്‍വ്വം പരിപൂര്‍ണമായി നിസ്‌ക്കാരം നിര്‍വ്വഹിക്കുന്നവര്‍ക്ക് വ്യക്തമായ പാപമോക്ഷവും സ്വര്‍ഗപ്രവേശവുമാണ് അല്ലാഹു വാഗ്ദാനം ചെയ്തിരിക്കുന്നത്. മുഹമ്മദ് നബി (സ്വ) പറയുന്നു: അഞ്ചു നിസ്‌ക്കാരങ്ങളാണ്  അല്ലാഹു ഫര്‍ളാക്കിയിട്ടുള്ളത്. ഒരുത്തന്‍  പൂര്‍ണരീതിയിലുള്ള അംഗശുദ്ധി വരുത്തി ഭക്തിസാന്ദ്രമായി റുകൂഹ് ശരിയാക്കി സമയാസമയം ആ നിസ്‌ക്കാരങ്ങള്‍ നിര്‍വ്വഹിച്ചാല്‍ അവനിക്ക് പാപങ്ങള്‍ പൊറുത്തുകൊടുക്കാന്‍ അല്ലാഹു കരാറിലേര്‍പ്പെട്ടിരിക്കുന്നു (ഹദീസ് അബൂദാവൂദ് 425).

ഫര്‍ള് നിസ്‌ക്കാരങ്ങളിലെ പാകപ്പിഴവുകള്‍ക്ക് പരിഹാരമായി വര്‍ത്തിക്കുന്ന സുന്നത്ത് നിസ്‌ക്കാരങ്ങളാണ് പരിപൂര്‍ണത വരുത്തുന്നത്. നബി (സ്വ) പറഞ്ഞിട്ടുണ്ട് : അന്തനാളില്‍ അടിമ ആദ്യമായി വിചാരണ ചെയ്യപ്പെടുന്നത് നിസ്‌ക്കാരത്തെപ്പറ്റിയാണ്. നിസ്‌ക്കാരം പരിപൂര്‍ണമാക്കിയാല്‍ അവനിക്ക് പരിപൂര്‍ണ നിസ്‌ക്കാരമായി എഴുതപ്പെടും. പരിപൂര്‍ണമാക്കിയില്ലെങ്കില്‍ അല്ലാഹു പറയും  എന്റെ അടിമ വല്ല സുന്നത്തും നിര്‍വ്വഹിച്ചിട്ടുണ്ടോയെന്നറിയുക, അവ ഫര്‍ള് നിസ്‌ക്കാരങ്ങള്‍ക്ക് പരിപൂര്‍ണത നല്‍കുന്നതാണ് (ഹദീസ് അബൂ ദാവൂദ് 864, നസാഈ 465, തുര്‍മുദി 413, ഇബ്‌നു മാജ 1426, അഹ്മദ് 16949). സുന്നത്ത് കര്‍മ്മങ്ങളും സുന്നത്ത് നിസ്‌ക്കാരങ്ങളും അധികരിപ്പിക്കാനുള്ള പ്രേരകമാണ് മേല്‍ഹദീസ്. ഒരിക്കല്‍ നബി (സ്വ) ശൗബാ(റ) നോട് പറയുകയുണ്ടായി: നീ അല്ലാഹുവിന് സ്രാഷ്ടാങ്കം അധികരിപ്പിക്കുക, കാരണം ഓരോ സുജൂദും നിന്റെ പദവി ഉയര്‍ത്തുകയും നിന്റെ ദോഷങ്ങള്‍ മായ്ക്കുകയും ചെയ്യും (ഹദീസ് മുസ്ലിം 488). 

സുന്നത്ത് നിസ്‌ക്കാരങ്ങള്‍ പലതാണ്. അവയില്‍ പ്രധാനമാണ് റവാത്തിബ് സുന്നത്ത് നിസ്‌ക്കാരങ്ങള്‍. ഫര്‍ള് നിസ്‌ക്കാരങ്ങള്‍ക്ക് മുമ്പോ ശേഷമോ ക്രമീകരിക്കപ്പെട്ടവയാണ് റവാത്തിബ് നിസ്‌ക്കാരങ്ങള്‍. ആ നിസ്‌ക്കാരങ്ങള്‍ ശീലമാക്കാനാണ് പ്രവാചകര്‍ (സ്വ) നമ്മോട് നിര്‍ദ്ദേശിച്ചിരിക്കുന്നത് : 'ദിവസവും ഫര്‍ള് നിസ്‌ക്കാരം കൂടാതെ പന്ത്രണ്ട് റക്അത്ത് സുന്നത്ത് നിസ്‌ക്കാരങ്ങള്‍ നിര്‍വ്വഹിക്കുന്നവന് അല്ലാഹു സ്വര്‍ഗത്തില്‍ ഒരു വീട് പണിതിരിക്കും' (ഹദീസ് മുസ്ലിം 728).

ഒരു വിശ്വാസി തന്റെ ഒരു ദിവസം തുടങ്ങേണ്ടത് തന്നെ സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരം നിര്‍വ്വഹിച്ചുകൊണ്ടാണ്. അത് അതിശ്രേഷ്ഠകരവും അതിപ്രതിഫലാര്‍ഹവുമാണ്. നബി (സ്വ) പറയുന്നു : സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരം ഈ ഐഹികലോകത്തെക്കാളും അതിലുള്ള മുഴുവതിനേക്കാളും ശ്രേഷ്ഠമാണ് (ഹദീസ് മുസ്ലിം 725). ഈ രണ്ടു റക്അത്തുകള്‍ ദുനിയാവിലുള്ള എല്ലാത്തിനേക്കാളും ഇഷ്ടമുള്ളതാണെന്ന് നബി (സ്വ) പറഞ്ഞതായി മറ്റൊരു റിപ്പോര്‍ട്ടുമുണ്ട് (ഹദീസ് മുസ്ലിം 725). അതു കൊണ്ട് തന്നെ അവ നിര്‍വ്വഹിക്കാന്‍ നബി (സ്വ) ആവേശം കാട്ടുമായിരുന്നു. പ്രിയ പത്‌നി ആയിഷ ബീബി (റ) പറയുന്നു : നബി (സ്വ) തങ്ങള്‍ സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരത്തിന് ധൃതി കാട്ടുന്നത് പോലെ മറ്റൊരു സുന്നത്ത് നിസ്‌ക്കാരത്തനും ധൃതി കാട്ടുന്നതായി ഞാന്‍ കണ്ടിട്ടില്ല (ഹദീസ് മുസ്ലിം 724).

ളുഹ്‌റിന് മുമ്പുള്ള നാല് റക്അത്ത് സുന്നത്ത് നിസ്‌ക്കാരവും നബി (സ്വ) ആവേശപൂര്‍വ്വം നിര്‍വ്വഹിച്ചിരുന്നു. നബി (സ്വ) അവയൊരിക്കലും ഉപേക്ഷിച്ചിരുന്നില്ലെന്ന് ആയിഷ ബീബി  (റ) സാക്ഷ്യപ്പെടുത്തുന്നുണ്ട് (ഹദീസ് ബുഖാരി 1182). അപ്രകാരം തന്നെ ളുഹ്‌റിന് ശേഷമുള്ള നാല് റക്അത്ത് നിസ്‌ക്കാരവും നബി (സ്വ) ഇടതടവില്ലാതെ നിര്‍വ്വഹിച്ചിരുന്നു (ഹദീസ് തുര്‍മുദി 424). നബി (സ്വ) പറയുന്നു: ഒരാള്‍ ളുഹ്‌റിന് മുമ്പ് നാല് റക്അത്തും ശേഷം നാല് റക്അത്തും നില്‍ക്കരിച്ചാല്‍ അല്ലാഹു അവനിക്ക് നരകം നിഷിദ്ധമാക്കുന്നതാണ് (ഹദീസ് അബൂ ദാവൂദ് 1269, തുര്‍മുദി 427, നസാഈ 1814, ഇബ്‌നു മാജ 1160). മഗ് രിബിന് ശേഷമുള്ള രണ്ടു റക്അത്തു നിസ്‌ക്കാരവും നബി (സ്വ) നിത്യമാക്കിയിരുന്നു. ഇബ്‌നു ഉമര്‍ (റ) പറയുന്നു: മഗ് രിബിന് ശേഷമുള്ള രണ്ടു റക്അത്ത് നിസ്‌ക്കാരം നബി (സ്വ) വീട്ടില്‍ വെച്ച് നിര്‍വ്വഹിക്കുമായിരുന്നു (ഹദീസ് ബുഖാരി 1180). ഇബ്‌നു ഉമര്‍ (റ) സുന്നത്ത് നിസ്‌ക്കാരങ്ങള്‍ പഠിക്കാനും അവ നിലനിര്‍ത്താനും ജാഗ്രത കാട്ടിയിരുന്നു. മാത്രമല്ല, നബി (സ്വ)യുടെ കൂടെ പല തവണകളായി സുന്നത്ത് നിസ്‌ക്കാരങ്ങള്‍ നിര്‍വ്വഹിച്ചിട്ടുമുണ്ട് (ഹദീസ് ബുഖാരി, മുസ്ലിം).

സുന്നത്ത് നിസ്‌ക്കാരങ്ങള്‍ നിത്യമാക്കിയവന്റെ സംരക്ഷണം അല്ലാഹു ഏറ്റെടുത്തുവെന്ന് ഖുദ്‌സിയ്യായ ഹദീസിലുണ്ട് : 'അല്ലാഹു പറയുന്നു: നിര്‍ബന്ധിത കാര്യങ്ങള്‍ ചെയ്യല്‍ കൊണ്ടാണ് അടിമ എന്നിലേക്ക് അടുക്കുന്നത്. സുന്നത്തായ കാര്യങ്ങള്‍ ചെയ്ത് എന്നിലേക്ക് കൂടുതല്‍ അടുത്തുകൊണ്ടിരിക്കും. അങ്ങനെ ഞാന്‍ അവനെ ഇഷ്ടപ്പെടും. ഞാനവനെ ഇഷ്ടപ്പെട്ടാല്‍ അവന്‍ കേള്‍ക്കുന്ന കാത് ഞാനാവും, അവന്‍ കാണുന്ന കണ്ണ് ഞാനാവും, അവന്‍ പിടിക്കുന്ന കൈ ഞാനാവും, അവന്‍ നടക്കുന്ന കാല് ഞാനാവും. അവന്‍ എന്നോട് ചോദിച്ചാല്‍ ഞാനവന് കൊടുത്തിരിക്കും. അവന്‍ എന്നോട് കാവല്‍ തേടിയാല്‍ ഞാനവനെ കാത്തുസംരക്ഷിച്ചിരിക്കും' (ഹദീസ് ബുഖാരി 6502).

സുന്നത്ത് നിസ്‌ക്കാരങ്ങള്‍ വീട്ടില്‍ വെച്ചും നിര്‍വ്വഹിക്കാം. നബി (സ്വ) അരുളുന്നു: നിങ്ങള്‍ മസ്ജിദില്‍ വെച്ച് നിസ്‌ക്കാരം നിര്‍വ്വഹിച്ചാല്‍ വീട്ടില്‍ വെച്ചും നിസ്‌ക്കരിക്കാന്‍ അവസരമുണ്ടാക്കണം. നിശ്ചയം, ആ നിസ്‌ക്കാരം കാരണത്താല്‍ അല്ലാഹു ആ വീട്ടില്‍ നന്മ വരുത്തുന്നതായിരിക്കും (ഹദീസ് മുസ്ലിം 778). വീട്ടിലെ നിസ്‌ക്കാരത്തിലൂടെ ഗൃഹപുണ്യ പ്രാപ്തിക്കൊപ്പം വീട്ടിലുള്ള ചെറിയവര്‍ക്ക് പഠിക്കാനും മുതിര്‍ന്നവര്‍ക്ക് ഓര്‍ക്കാനും അവസരമുണ്ടാവും. മാത്രമല്ല കാരുണ്യത്തിന്റെ മാലാഖമാര്‍ വീട്ടിലിറങ്ങി വരികയും ചെയ്യും.

ബിസ്മി ഒരു ആധ്യാത്മിക വിസ്മയം

അല്ലാഹു പരമാധികാരിയാണ്. അവനാണ് ജനിപ്പിക്കുന്നതും മരിപ്പിക്കുന്നതും. അവന്‍ തന്നെയാണ് മുളപ്പിക്കുന്നതും പുഷ്പിപ്പിക്കുന്നതും. അല്ലാഹു മാത്രമാണ് വളര്‍ത്തുന്നതും തളര്‍ത്തുന്നതും. അവനെത്ര പരിശുദ്ധന്‍ ! അവന്റെ നാമവും പരിപാവനവും പരിശുദ്ധവുമാണ്: മഹത്വവും ആദരവുമുള്ള താങ്കളുടെ രക്ഷിതാവിന്റെ നാമം വളരെ മേന്മയേറിയതു തന്നെ (ഖുര്‍ആന്‍, സൂറത്തു റഹ്മാന്‍, 78).

ഏറെ ആദരവ് കല്‍പ്പിക്കപ്പെടേണ്ട നാമമാണ് അല്ലാഹുവിന്റേത്. നല്ലതെന്തും തുടങ്ങുമ്പോഴും അല്ലാഹുവിന്റെ നാമമുച്ചരിക്കപ്പെടണം. അതായത് 'ബിസ്മില്ലാഹി റഹ്മാനി റഹീം' എന്ന് ഉരുവിടല്‍ ആരാധനയുടെ ഭാഗമാണ്. മാത്രമല്ല, ഏതുകാര്യവും ചെയ്യുന്നതിന് തൊട്ടുമുമ്പ് ബിസ്മി ചൊല്ലല്‍ പ്രവാചകന്മാരുടെ ചര്യ കൂടിയാണ്. നൂഹ് നബി (അ) തന്റെ കപ്പലില്‍ കയറുന്നവരോട് പറഞ്ഞത് ഇങ്ങനെയാണ് : 'നിങ്ങളതില്‍ കയറിക്കൊള്ളുക. അതിന്റെ ഓട്ടവും നിര്‍ത്തവും അല്ലാഹുവിന്റെ പേരിലാകുന്നു. തീര്‍ച്ചയായും എന്റെ രക്ഷിതാവ് ഏറെ പൊറുക്കുന്നവനും കരുണാനിധിയുമാണ്' (ഖുര്‍ആന്‍, സൂറത്തു ഹൂദ് 41). 

സുലൈമാന്‍ നബി (അ) സബഅ് രാജ്ഞിയിലേക്ക് അയച്ച കത്തിന്റെ ഉള്ളടക്കം തുടങ്ങുന്നതും ബിസ്മി കൊണ്ടാണ്:  'നിശ്ചയമായും ഇത് സുലൈമാനില്‍ നിന്നുള്ളതാകുന്നു. അതിലെ ഉള്ളടക്കം ഇങ്ങനെ: കരുണാനിധിയും പരമകാരുണികനുമായ അല്ലാഹുവിന്റെ നാമത്തില്‍, എന്നോട് നിങ്ങള്‍ അഹങ്കാരം കാണിക്കരുത്. മുസ്ലിങ്ങളായികൊണ്ട് എന്റെ അടുത്ത് നിങ്ങള്‍ വരിക' (ഖുര്‍ആന്‍, സൂറത്തു ന്നംല് 30,31). 'ബിസ്മില്ലാഹി റഹ്മാനി റഹീം' എന്ന് ആദ്യമായി എഴുതിയത് സുലൈമാന്‍ നബി (അ)യാണെന്നാണ് ചരിത്രഭാഷ്യം.

ഏതൊരുകാര്യം ചെയ്യുമ്പോഴും ബിസ്മി ചൊല്ലണമെന്നാണ് പ്രവാചകര്‍ മുഹമ്മദ് നബി (അ)യുടെ നിര്‍ദേശം. പരിശുദ്ധ ഖുര്‍ആനില്‍ നിന്ന് ആദ്യമായി ഇറക്കപ്പെട്ട സൂക്തം 'സൃഷ്ടിച്ച നിന്റെ നാഥന്റെ നാമത്തില്‍ വായിക്കുക'യെന്നാണല്ലൊ (സൂറത്തുല്‍ ഹലഖ് 1). എല്ലാവിധ കത്തുകളും ഉടമ്പടികളും എഴുതുന്ന സമയത്ത് അല്ലാഹുവിന്റെ നാമത്തില്‍ എന്നെഴുതാന്‍ നബി (സ്വ) സ്വഹാബികളോട് പ്രത്യേകം കല്‍പ്പിക്കുമായിരുന്നു. 

ബിസ്മിയില്‍ അല്ലാഹുവിന്റെ മഹത്തായ നാമങ്ങളില്‍ നിന്ന് (അസ്മാഉല്‍ ഹുസ്‌നാ) മൂന്നെണ്ണമുണ്ട്
1) അല്ലാഹു
2) റഹ്മാന്‍
3) റഹീം

ഈ മൂന്നു നാമങ്ങളും ഒരുമിച്ചുവന്ന സൂക്തം ഇങ്ങനെ: അവനല്ലാതെ വേറെ ഒരു ആരാധ്യനുമില്ലാത്തവനായ അല്ലാഹുവാണവന്‍. അദൃശ്യങ്ങളെയും ദൃശ്യങ്ങളെയും അറിയുന്നവന്‍. അവന്‍ കരുണാനിധിയാണ്. പരമകാരുണികനാണ് (ഖുര്‍ആന്‍, സൂറത്തുല്‍ ഹഷ് ര്‍ 22).

ജലാലത്തിന്റെ പദമായ 'അല്ലാഹു' എന്നതാണ് അവന്റെ നാമങ്ങളില്‍ വെച്ച് ഖുര്‍ആനില്‍ ഏറ്റവും കൂടുതല്‍ പ്രസ്താവിക്കപ്പെട്ടിരിക്കുന്നത്. 
അല്ലാഹു എന്ന നാമത്തില്‍ അവന്റെ എല്ലാ നാമങ്ങളുടെയും ആശയവും അവന്റെ എല്ലാ വിശേഷങ്ങളും ഉള്‍ക്കൊണ്ടിട്ടുണ്ട്. അല്ലാഹു എന്ന നാമം വിളിച്ച് അവനോട് ചോദിച്ചാല്‍ അവന്‍ നല്‍കിയിരിക്കും, അവനോട് പ്രാര്‍ത്ഥിച്ചാല്‍ അവന്‍ ഉത്തരം നല്‍കിയിരിക്കും എന്നാണ് ഇസ്ലാമിക പണ്ഡിതര്‍ അഭിപ്രായപ്പെടുന്നത്.
അല്ലാഹു എന്ന നാമം അവനിക്കല്ലാതെ വേറെ ഒരാള്‍ക്കും വെക്കാവുന്നതല്ല. അല്ലാഹു പറയുന്നുണ്ട് :അവനോട് പേര് ഒത്തുവന്ന ആരെയെങ്കിലും താങ്കള്‍ക്കറിയുമോ (ഖുര്‍ആന്‍, സൂറത്തു മര്‍യം 65).

റഹ്മാന്‍ എന്ന നാമവും തഥൈവ. അവന്ന് മാത്രം പ്രത്യേകമായ നാമമാണത്. വേറൊരാളും ആ നാമത്തിന്റെ വിശേഷണത്തിന് അര്‍ഹനല്ല. അല്ലാഹു, റഹ്മാന്‍ എന്നീ രണ്ടു നാമങ്ങള്‍ ഒരുമിച്ചു പരാമര്‍ശിക്കപ്പെട്ട ഖുര്‍ആനിക സൂക്തം ഇങ്ങനെ വായിക്കാം: നിങ്ങള്‍ അല്ലാഹൂ എന്നോ റഹ്മാന്‍ എന്നോ വിളിച്ചുകൊള്ളുക, ഏതു വിളിക്കുകയാണെങ്കിലും അവനുള്ളതു വളരെ നല്ല പേരുകള്‍ (അസ്മാഉല്‍ ഹുസ്‌നാ) മാത്രമാണ് (ഖുര്‍ആന്‍, സൂറത്തുല്‍ ഇസ്‌റാഅ് 110).

ഐഹിക ലോകത്ത് വഴിപ്പെട്ടവര്‍ക്കും വഴിപ്പെടാത്തവര്‍ക്കും കരുണ ചെയ്യുന്നവന്‍ എന്നാണ് 'റഹ്മാന്‍' അര്‍ത്ഥമാക്കുന്നത്. പാരത്രിക ലോകത്ത് വിശ്വാസികള്‍ക്ക് പ്രത്യേകം കരുണ ചെയ്യുന്നവന്‍ എന്നാണ് 'റഹീം' എന്ന നാമത്തിന്റെ പൊരുള്‍. 'സത്യവിശ്വാസികളോട് വളരെ കരുണയുള്ളവനാണവന്‍' (ഖുര്‍ആന്‍, സൂറത്തുല്‍ അഹ്‌സാബ് 43).

അല്ലാഹു തന്നെ പറയുന്നു: നീ നിന്റെ രക്ഷിതാവിന്റെ നാമം പ്രഭാതത്തിലും പ്രദോഷത്തിലും സ്മരിക്കുക (ഖുര്‍ആന്‍, സൂറത്തുല്‍ ഇന്‍സാന്‍ 25). നമ്മുടെ ഓരോ ദിവസവും അല്ലാഹുവിന്റെ നാമമുച്ചരിച്ചു തുടങ്ങണമെന്നാണ് നബി (സ്വ) പഠിപ്പിക്കുന്നത്. അല്ലാഹുവിന്റെ നാമത്തില്‍ തുടങ്ങുന്ന പ്രത്യേക ദിക്ര്‍ രാവിലെ മൂന്നൂ പ്രാവശ്യം ചൊല്ലിയാല്‍ വൈകുന്നേരം വരെ അവനിക്ക് യാതൊരു ബുദ്ധിമുട്ടും ഏല്‍ക്കില്ലെന്നും, വൈകുന്നരം ചൊല്ലിയാല്‍ പിറ്റേ ദിവസം രാവിലെ വരെ അവനിക്ക് യാതൊരു ബുദ്ധിമുട്ടും ഏല്‍ക്കില്ലെന്നും  നബി (സ്വ) പറഞ്ഞിട്ടുണ്ട് (ഹദീസ് അഹ്മദ് 528, ഇബ്‌നു ഹബ്ബാന്‍ 852). അതായത് അല്ലാഹുവിന്റെ നാമം ഉച്ചരിച്ചവന് പ്രത്യേകമായ ദൈവിക പരിരക്ഷയുണ്ടാവുമെന്നര്‍ത്ഥം. 

വീട്ടില്‍ നിന്ന് പുറത്തിറങ്ങുമ്പോഴും അല്ലാഹുവിന്റെ നാമം കൊണ്ട് തുടങ്ങുന്ന പ്രത്യേക ദിക്ര്‍ പതിവാക്കണമെന്ന് നബി (സ്വ) പഠിപ്പിക്കുന്നു (ഹദീസ് അബൂദാവൂദ് 5095, തുര്‍മുദി 3426, നസാഈ 9837). 

വാഹനത്തില്‍ കയറുമ്പോള്‍ മൂന്നൂപ്രാവശ്യം ബിസ്മി ചൊല്ലിയ ശേഷം പ്രത്യേക ദിക്ര്‍ (സൂറത്തുല്‍ സുഹ്‌റുഫിലെ 13, 14 സൂക്തങ്ങള്‍) ഉരുവിടണം (ഹദീസ് തുര്‍മുദി 3446). എന്നാല്‍ യാത്രയില്‍ അല്ലാഹുവിന്റെ കാവലുണ്ടാവും.

വീട്ടിലേക്ക് മടങ്ങിചെല്ലുമ്പോഴും ബിസ്മി ചൊല്ലണം. നബി (സ്വ) പറയുന്നു: ഒരാള്‍ വീട്ടില്‍ പ്രവേശിക്കുമ്പോഴും ഭക്ഷണം കഴിക്കുമ്പോഴും ബിസ്മി ചൊല്ലിയാല്‍ പിശാച് തന്റെ കൂട്ടരോട് പറയും: 'ഇന്ന് ഇവിടെ തീറ്റയുമില്ല, പാര്‍പ്പുമില്ല'. വീട്ടില്‍ പ്രവേശിക്കുമ്പോള്‍ അവന് ബിസ്മി ചൊല്ലാന്‍ മറന്നാല്‍ പിശാച് പറയും: 'ഇന്ന് നിങ്ങള്‍ക്കിവിടെ പാര്‍ക്കാം'. ഭക്ഷണം കഴിക്കുമ്പോഴും ബിസ്മി മറന്നാല്‍ പിശാച് പറയും: ഇന്ന് ഇവിടെ നിങ്ങള്‍ക്ക് തീറ്റയുമുണ്ട്, പാര്‍പ്പുമുണ്ട്' (ഹദീസ് മുസ്ലിം 2018, അഹ്മദ് 15109).

ഭക്ഷണം കഴിക്കുന്നതിന് മുമ്പ് ബിസ്മി ചൊല്ലല്‍ നബിചര്യയാണ്. ഭക്ഷണത്തിന്റെ ആദ്യത്തില്‍ ബിസ്മി മറന്ന് ഇടക്കുവെച്ചു ഓര്‍മ്മ വന്നാല്‍ 'ബിസ്മില്ലാഹി അവ്വലഹു വആഖിറഹു' എന്ന് ചൊല്ലണം (ഹദീസ് അബൂദാവൂദ് 3767, തുര്‍മുദി 1858, അഹ്മദ് 26292).

നാം ജീവിതത്തിന്റെ നിഖില മേഖലകളിലും ബിസ്മി ചൊല്ലല്‍ ശീലിക്കേണ്ടിയിരിക്കുന്നു. ദിവസത്തിന്റെ തുടക്കവും ഒടുക്കവും ബിസ്മി കൊണ്ടായിരിക്കണം. ഉറങ്ങുന്ന നേരത്തും ബിസ്മി ചൊല്ലികൊണ്ടുള്ള പ്രേ്രത്യക ദിക്ര്‍ ഉരുവിടണം. മാത്രമല്ല, ബിസ്മി ചൊല്ലിക്കൊണ്ടുള്ള ജീവിതശൈലി മക്കളെ പരിശീലിപ്പിക്കുകയും വേണം.

Hadith

റയ്യാന്‍ തുറക്കപ്പെട്ടു, ഇനി നമുക്ക് ആരാധനകളില്‍ മുഴുകാം

ഇസ്ലാമിക പഞ്ചസ്തംഭങ്ങളായ ഇസ്ലാം കാര്യങ്ങളിലെ അഞ്ചാമത്തേതാണ് റമളാന്‍ മാസത്തിലെ നോമ്പനുഷ്ഠാനം. നിര്‍ബന്ധവ്രതമാണ് റമളാനിലേത്. മുന്‍കാല പ്രവാചകസമുദായങ്ങള്‍ക്കും വ്രതമുണ്ടായിരുന്നു. ആ അനുഷ്ഠാനാചാരങ്ങളില്‍ ശ്രേഷ്ഠമാണ് പ്രവാചകര്‍ മുഹമ്മദ് നബി (സ്വ)യുടെ സമുദായത്തിന് പ്രത്യേകം നല്‍കപ്പെട്ട റമളാന്‍ വ്രതം. 

ഖുര്‍ആനിലൂടെ അല്ലാഹു തന്നെ വ്യക്തമാക്കുന്നുണ്ട് : സത്യവിശ്വാസികളേ, നിങ്ങളുടെ മുന്‍കാലക്കാര്‍ക്ക് നോമ്പ് നിര്‍ബന്ധമാക്കപ്പെട്ടതുപോലെ നിങ്ങള്‍ക്കും നോമ്പ് നിര്‍ബന്ധമാക്കപ്പെട്ടിരിക്കുന്നു. നിങ്ങള്‍ ദോഷബാധയെ തൊട്ട് സൂക്ഷിക്കുവാന്‍ വേണ്ടിയത്രെ അത് (സൂറത്തുല്‍ ബഖറ 183).

റമളാനിലെ സല്‍ക്കര്‍മ്മങ്ങള്‍ക്ക് ഇരട്ടിയിരട്ടി പ്രതിഫലങ്ങളാണ് അല്ലാഹു വാഗ്ദാനം ചെയ്യുന്നത്. അത് കൊണ്ട് തന്നെ ഈ ദിവ്യമാസത്തിലെ ധന്യനിമിഷങ്ങള്‍ സുകൃതങ്ങളില്‍ വിനിയോഗിക്കണമെന്ന് പരിശുദ്ധ ഇസ്ലാം മതം പ്രോത്സാഹിപ്പിക്കുന്നു. 

നബി (സ്വ) പറയുന്നു: റമളാന്‍ മാസം ആഗതമായാല്‍ ആദ്യ രാത്രി തന്നെ പിശാചുകളും ജിന്നുകളിലെ ധിക്കാരികളും ചങ്ങലകളില്‍ ബന്ധിക്കപ്പെടും. എല്ലാ നരക വാതിലുകളും അടക്കപ്പെടുകയും എല്ലാ സ്വര്‍ഗ വാതിലുകളും തുറക്കപ്പെടുകയും ചെയ്യും. മാത്രമല്ല, ഒരു വിളിയാളമുയരും: 'യേ നന്മ കൊതിക്കുന്ന ആളുകളേ നിങ്ങള്‍ മുന്നോട്ടു വരിക, തിന്മയില്‍ അഭിരമിക്കുന്നവരേ നിങ്ങള്‍ പിന്നോട്ടു പോവുക' (ഹദീസ് തുര്‍മുദി 682, ഇബ്‌നു മാജ 1642). 

ഇത് നോമ്പുകാര്‍ക്ക് അല്ലാഹുവിലേക്കുള്ള സാമീപ്യം സാധ്യമാക്കാനുള്ള വിളിയാളമാണ്. ഈ മാസമാസകലം സല്‍പ്രവൃത്തികള്‍ ചെയ്ത് വിശ്വാസികള്‍ ആ വിളിക്ക് ഉത്തരം ചെയ്യേണ്ടിയിരിക്കുന്നു. ഓരോ പുലരിയിലും സൂര്യന്‍ ഉദിക്കുമ്പോഴെല്ലാം അതിന്റെ ഇരു വശങ്ങളിലായി രണ്ടു മാലാഖമാര്‍ ഇറങ്ങി വന്ന് മനുഷ്യ ജിന്നുകളല്ലാത്ത സൃഷ്ടികളോട് നാഥനിലേക്ക് മുന്നിട്ടിറങ്ങണമെന്ന് വിളിച്ചുപറയുമെന്ന് നബി (സ്വ) അരുളിയിട്ടുണ്ട് (ഹദീസ് അഹ്മദ് 21721).

ആ ദൈവിക വിളിയാളത്തിനുള്ള പ്രതികരണം ആരാധനകള്‍ തന്നെയാണ്. ആ ആരാധനകളില്‍ പ്രാധാന്യമുള്ളത് സാഷ്ടാംഗവും കീഴ്‌വണക്കവുമുള്‍ക്കൊള്ളുന്ന നമസ്‌ക്കാരമാണ്. അല്ലാഹു പറയുന്നുണ്ട് : സത്യവിശ്വാസികളേ, നിങ്ങള്‍ കുമ്പിടുകയും സാഷ്ടാംഗം ചെയ്യുകയും (നമസ്‌ക്കരിക്കുകയും) അല്ലാഹുവിനെ ആരാധിക്കുകയും നന്മ പ്രവര്‍ത്തിക്കുകയും ചെയ്യുക. നിങ്ങള്‍ വിജയം പ്രാപിച്ചേക്കാം (ഖുര്‍ആന്‍, സൂറത്തുല്‍ ഹജ്ജ് 77). 

നമസ്‌ക്കാരം ഇസ്ലാമികാരാധനകളിലെ മര്‍മ്മ ഘടകമാണ്. അത് നിലനിര്‍ത്തിയവനില്‍ മാത്രമേ ഇസ്ലാമികത കുടിക്കൊള്ളുന്നുള്ളൂ. അതിനെ തിരസ്‌ക്കരിച്ചവന്‍ സ്വയം നാശത്തിലേക്ക് വഴിതുറന്നവനാണ്. പ്രവാചകര്‍ മുഹമ്മദ് നബി (സ്വ) പറയുന്നു: എല്ലാ നമസ്‌ക്കാര സമയത്തും ഒരു വിളിയാളം വരും ഹേ മനുഷ്യരേ നിങ്ങള്‍ എഴുന്നേറ്റ് നമസ്‌ക്കരിക്കുക, എന്നാല്‍ നിങ്ങളുടെ മനസ്സുകളില്‍ ആളിക്കൊണ്ടിരിക്കുന്ന ദോഷങ്ങളെ കെടുത്താനാവും. അങ്ങനെ അവര്‍ എഴുന്നേറ്റ് അംഗശുദ്ധി വരുത്തിയാല്‍ അവരുടെ തെറ്റുകുറ്റങ്ങള്‍ കൊഴിഞ്ഞുവീഴും. അവര്‍ നമസ്‌ക്കാരം നിര്‍വ്വഹിച്ചാല്‍ ദോഷങ്ങളൊക്കെ പൊറുക്കപ്പെടുകയും ചെയ്യും. രാത്രിയിലെ ഇശാ നമസ്‌ക്കാരവും തഥൈവ. ഇശാ നമസ്‌ക്കാരം കഴിഞ്ഞ് പാപമോചിതരായായിരിക്കും അവര്‍ ഉറങ്ങുക (ഹദീസ്). 

നമസ്‌ക്കാരങ്ങള്‍ സമയാസമയങ്ങളില്‍ ജമാഅത്തായി നിര്‍വ്വഹിക്കണമെന്നാണ് പ്രവാചകാഹ്വാനം.

ദൈവസ്മരണ നടത്താനും ദൈവ വിളിയാളം വന്നിട്ടുണ്ട്. ദൈവസ്മരണ നടത്തുന്നവര്‍ക്ക് ശ്രേഷ്ഠ പ്രതിഫലവും പാപമോചനവുമുണ്ടെന്ന് അല്ലാഹുവില്‍ നിന്ന് വിളിയാളം നടത്തുന്നവര്‍ അറിയിക്കുന്നുണ്ട്. അല്ലാഹു പറയുന്നു: സത്യവിശ്വാസികളേ നിങ്ങള്‍ അല്ലാഹുവെ ധാരാളമായി അനുസ്മരിക്കുകയും കാലത്തും വൈകുന്നേരവും അവനെ പ്രകീര്‍ത്തിക്കുകയും ചെയ്യുക (ഖുര്‍ആന്‍, സൂറത്തുല്‍ അഹ്‌സാബ് 41, 42). 

നബി (സ്വ) പറയുന്നു: ദൈവ പ്രീതി മാത്രം കാംക്ഷിച്ചുക്കൊണ്ട് കൂട്ടമായിരുന്ന് അല്ലാഹുവിനെ സ്മരിക്കുന്നവരിലേക്ക് ആകാശത്തില്‍ നിന്നൊരു വിളിയാളം വരും 'നിങ്ങള്‍ പാപസുരക്ഷിതരായി എഴുന്നേറ്റുക്കൊള്ളുക, നിശ്ചയം നിങ്ങളുടെ ദോഷങ്ങള്‍ക്ക് പകരം സല്‍ക്കര്‍മ്മങ്ങള്‍ കുറിക്കപ്പെട്ടിരിക്കുന്നു' (ഹദീസ് അഹ്മദ് 12453). ഖുര്‍ആന്‍ പാരായണമാണ് ഏറ്റവും ഉല്‍കൃഷ്ടമായ ദൈവസ്മരണ. ദൈവിക ഗ്രന്ഥമായ ഖുര്‍ആന്‍ പാരായണവും മഹത്തായ ആരാധനയാണല്ലൊ. ഖുര്‍ആന്‍ ഓതി വണ്ണമായ പ്രതിഫലാര്‍ഹരവണമെന്ന് ദൈവവിളിയാളവും പ്രവാചകാഹ്വാനവുമുണ്ട്.

നന്മയുടെ വഴിയില്‍ ദാനധര്‍മ്മം ചെയ്യാന്‍ അല്ലാഹു കല്‍പ്പിക്കുന്നുണ്ട്. സത്യവിശ്വാസികളേ നാം നല്‍കിയ ധനത്തില്‍ നിന്ന് ചെലവ് ചെയ്യുക (ഖുര്‍ആന്‍, സൂറത്തുല്‍ ബഖറ 254). ദാനധര്‍മ്മം ചെയ്യുന്നവന് അതിന്റെ ഇരട്ടികള്‍ കരഗതമാവുമെന്നും എണ്ണമറ്റ സൗഭാഗ്യങ്ങള്‍ വരുമെന്നും നബി (സ്വ) പഠിപ്പിക്കുന്നു. 

ദൈവവിളിയാളത്തിന് ഉത്തരം നല്‍കിയവര്‍ വിത്യസ്ത സ്വര്‍ഗവാതിലുകളിലൂടെയാണ് ക്ഷണിക്കപ്പെടുക. നമസ്‌ക്കരിച്ചവര്‍ സ്വലാത്തിന്റെ വാതിലൂടെയും ദാനധര്‍മ്മം ചെയ്ത് അനുഗ്രഹീതരായവര്‍ സ്വദഖയുടെ വാതിലൂടെയും നോമ്പനുഷ്ഠിച്ചവര്‍ റയ്യാനെന്ന സ്വര്‍ഗത്തിന്റെ വാതിലൂടെയും വിളിക്കപ്പെടും (ഹദീസ് ബുഖാരി, മുസ്ലിം). 

സ്വര്‍ഗലോകത്ത് നോമ്പനുഷ്ഠിച്ചവര്‍ക്ക് മാത്രമായി ഒരു സ്വര്‍ഗമുണ്ട്, അതാണ് റയ്യാന്‍. അതില്‍ നോമ്പുകരല്ലാതെ വേറൊരാളും പ്രവേശിക്കുകയില്ല. സ്വര്‍ഗം പ്രവേശം നേടിയവര്‍ക്ക് കിട്ടുന്ന ഏറ്റവും വലിയ സൗഭാഗ്യമാണ് ദൈവദര്‍ശനം. സ്വര്‍ഗം സിദ്ധിച്ചവര്‍ക്ക് അല്ലാഹുവിനെ കാണാനുള്ള വിളിയാളമുണ്ടാവുമെന്ന് നബി (സ്വ) അരുള്‍ ചെയ്തിട്ടുമുണ്ട്. നോമ്പനുഷ്ഠിച്ചവരും ആ ദര്‍ശനഭാഗ്യം ലഭിച്ചവരില്‍പ്പെടും.

നമ്മുടെ രാത്രികള്‍ ആരാധനകള്‍കൊണ്ട് പകലുകളാവട്ടെ

രാപ്പകലുകള്‍ അല്ലാഹുവില്‍ നിന്നുള്ള ദൃഷ്ടാന്തങ്ങളാണ്. 'രാപ്പകലുകള്‍ മാറ്റിക്കൊണ്ടിരിക്കുന്നതിലും ആകാശഭൂമികളില്‍ അല്ലാഹു സൃഷ്ടിച്ചതിലും സൂക്ഷിക്കുന്ന ജനതക്ക് നിശ്ചയമായും ദൃഷ്ടാന്തങ്ങളുണ്ട്' (ഖുര്‍ആന്‍, സൂറത്തു യൂനൂസ് 6). ഒരു ദിവസം രാത്രി ബിലാല്‍ (റ) നബി (സ്വ)യുടെ അടുക്കല്‍ വന്നപ്പോള്‍ തങ്ങളെ കരയുന്നതായി കണ്ടു. ബിലാല്‍ (റ) ചോദിച്ചു: അല്ലാഹുവിന്റെ തിരുദൂതരേ... താങ്കളെന്തിനാണ് കരയുന്നത? നിശ്ചയം അല്ലാഹു താങ്കള്‍ക്ക് കഴിഞ്ഞതും വരാനിരിക്കുന്നതുമായ സകലതും പൊറുത്തുത്തന്നിരിക്കുകയാണല്ലൊ. അപ്പോള്‍ നബി (സ്വ) പറഞ്ഞു: ഇന്ന് രാത്രി എനിക്ക് ഒരു ഖുര്‍ആനിക സൂക്തം അവതരിച്ചിട്ടുണ്ട്. അത് പാരായണം ചെയ്തിട്ടും അതില്‍ ചിന്തിക്കാത്തവനാണ് നാശം. ശേഷം നബി (സ്വ) മേല്‍ സൂക്തം ഓതി (ഹദീസ് ബുഖാരി, മുസ്ലിം).

രാവുകള്‍ വെറും വിശ്രമവേളകളല്ല. ദൈവസ്മരണയാലും പ്രാര്‍ത്ഥനകളാലും സുകൃതപൂരിതമാക്കേണ്ട ധന്യനിമിഷങ്ങളാണ് രാവുകളിലേത്. പ്രവാചകര്‍ മുഹമ്മദ് നബി (സ്വ) രാവുകളിലെ സമയം വിശ്രമത്തിനും കുടുംബവുമായി കൂട്ടുകൂടുന്നതിനും ചെലവഴിക്കുന്നതോടൊപ്പം ആരാധനകള്‍ കൊണ്ടും ധന്യമാക്കിയിരുന്നു. പരിശുദ്ധ ഖുര്‍ആന്‍ പ്രസ്താവിച്ചിരിക്കുന്നു: ചിന്തിക്കുവാനോ നന്ദി പ്രകടിപ്പിക്കാനോ ഉദ്ദേശിക്കുന്നവര്‍ക്കുവേണ്ടി രാവിനെയും പകലിനെയും മാറിക്കൊണ്ടിരിക്കുന്നതായിയാക്കിയതും അവന്‍ തന്നെയാണ് (ഖുര്‍ആന്‍, സൂറത്തുല്‍ ഫുര്‍ഖാന്‍ 62). രാപ്പകലുകളില്‍ ചിന്തിക്കാനും നന്ദി പ്രകടിപ്പിക്കാനുമുള്ള ഉത്തമമാതൃകയാണ് നബി (സ്വ) നമ്മുക്ക് കാണിച്ചുത്തന്നത്. പ്രവാചകര്‍ (സ്വ) ഏതിലും ഉദാത്ത മാതൃകയാണെന്ന് ഖുര്‍ആന്‍ തന്നെ വ്യക്തമാക്കുന്നുണ്ട് (സൂറത്തുല്‍ അഹ്‌സാബ് 21).

സത്യവിശ്വാസിയുടെ രാവ് തുടങ്ങുന്നത് മഗ്‌രിബ് നമസ്‌ക്കാരത്തോടെയാണ്. ഇശാ നമസ്‌ക്കാരവും നിര്‍വ്വഹിക്കണം. ശേഷം വീട്ടില്‍ നിന്ന് രണ്ട് റക്അത്ത് സുന്നത്ത് നമസ്‌ക്കാരം നിര്‍വ്വഹിക്കണം. പിന്നെ കുടുംബവുമായി സമ്പര്‍ക്കം പുലര്‍ത്തുകയും സംസാരിക്കുകയും വേണം. ഇബ്‌നു അബ്ബാസ് (റ) പറയുന്നു: ഒരു ദിവസം രാത്രി ഞാന്‍ എന്റെ അമ്മായി മൈമൂനയുടെ വീട്ടിലായിരുന്നു. അന്നേ ദിവസം രാത്രി നബി (സ്വ) കുടുബവുമായി ഒരു മണിക്കൂറോളം സംസാരിക്കുകയുണ്ടായി (ഹദീസ് ബുഖാരി, മുസ്ലിം). നബി (സ്വ) ആ സമയം അവരുമായി സ്‌നേഹഭദ്രത ഉറപ്പുവരുത്തുമായിരുന്നു.

ഉറങ്ങുന്നതിന് മുമ്പ് അംഗശുദ്ധി വരുത്താന്‍ നബി (സ്വ) പ്രോത്സാഹിപ്പിച്ചിരുന്നു. നബി (സ്വ) പറയുന്നു: നീ ഉറങ്ങാന്‍ ഒരുങ്ങിയാല്‍ നമസ്‌ക്കാരത്തില്‍ ചെയ്യുന്ന പ്രകാരമുള്ള വുളൂഅ് ചെയ്യണം (ഹദീസ് ബുഖാരി, മുസ്ലിം). വുളൂഇന് ശേഷം ഉറങ്ങുന്നതിനുള്ള പ്രത്യേക ദിക്‌റുകള്‍ ചൊല്ലണം. ഭക്ഷണ പാനീയങ്ങളും അഭയവും നല്‍കിയ അല്ലാഹുവിനെ സ്തുതിക്കുകയും വേണം. വിരിപ്പിലേക്ക് ചെന്നാല്‍ രണ്ടു കൈപ്പത്തികള്‍ കൂട്ടിപ്പിടിക്കണം. ശേഷം സൂറത്തുല്‍ ഇഖ്‌ലാസ്, സൂറത്തുല്‍ ഫലഖ്, സൂറത്തുന്നാസ് ഓതി കൈപ്പത്തികളില്‍ ഊതി ശരീരത്തില്‍ നിന്ന് സാധ്യമാവുന്ന ഭാഗത്തൊക്കെ തടവണം. ഇപ്രകാരം മൂന്നു പ്രാവശ്യം ചെയ്യണം. ശേഷം വലതുഭാഗത്തായി ചെരിഞ്ഞ് കിടക്കണം. 

രാത്രിയില്‍ നേരത്തെ ഉറങ്ങണം. രാത്രിയെ അല്ലാഹു നമ്മുക്ക് അഭയമായി തന്നതാണല്ലൊ. അല്ലാഹു പറയുന്നു: നാം നിങ്ങളുടെ നിദ്രയെ വിശ്രമവും രാത്രിയെ വസ്ത്രവുമാക്കിത്തന്നില്ലെ (ഖുര്‍ആന്‍, സൂറത്തു ന്നബഅ് 9, 10). ഉറക്കില്‍ നിന്നുണര്‍ന്നാലും പ്രത്യേകം ദിക്‌റുകളും പ്രാര്‍ത്ഥനകളും ചൊല്ലണം. അല്ലാഹുവിനെ സ്തുതിക്കുകയും വേണം. രാത്രിയില്‍ ഒരു സമയമുണ്ട്, ആ സമയത്ത് അല്ലാഹുവിനോട് ഐഹിക പാരത്രിക പുണ്യം ചോദിച്ചാല്‍ അല്ലാഹു അവന്ന് നല്‍കിയിരിക്കും (ഹദീസ് മുസ്ലിം 757). രാത്രിയില്‍ വുളൂഅ് ചെയ്താല്‍ ഓരോ കഴുകലിലും അവന്റെ പ്രതിബന്ധങ്ങള്‍ നീങ്ങും. അങ്ങനെ അവന്‍ അല്ലാഹുവിനോട് ചോദിച്ചാല്‍ നല്‍കിയിരിക്കും (ഹദീസ് സ്വഹീഹ് ഹിബ്ബാന്‍ 330/ 2,  അഹ്മദ് 17921).

നബി (സ്വ) രാത്രിയുടെ പകുതി സമയത്ത് ഉറക്കില്‍ നിന്നുണര്‍ന്ന് പൂര്‍ണരീതിയില്‍ വുളൂഅ് ചെയ്ത് തഹജ്ജുദ്  നിസ്‌ക്കരിക്കുമായിരുന്നു (ഹദീസ് ബുഖാരി 183). അല്ലാഹു പറയുന്നു: രാത്രി കുറച്ചു സമയം ഉറക്കമുണര്‍ന്നു ഖുര്‍ആന്‍ ഓതിക്കൊണ്ട് നമസ്‌ക്കരിക്കുക. താങ്കള്‍ക്ക് കൂടുതലായുള്ളതാണ് ഇത്. താങ്കളെ രക്ഷിതാവ് സ്തുതര്‍ഹ്യമായ സ്ഥാനത്ത് എത്തിക്കുവാന്‍ ഇടയുണ്ട് (ഖുര്‍ആന്‍, സൂറത്തു ഇസ്‌റാഅ് 79). രാനമസ്‌ക്കാരങ്ങള്‍ നിര്‍വ്വഹിക്കുന്നവന് മഹത്തായ പ്രതിഫലമുണ്ടെന്ന് നബി (സ്വ) പഠിപ്പിക്കുന്നു. നബി (സ്വ) പറയുന്നു: ഫര്‍ള് നമസ്‌ക്കാരത്തിന് ശേഷം ഏറ്റവും ശ്രേഷ്ഠമായത് രാത്രി നമസ്‌ക്കാരമാണ് (ഹദീസ് മുസ്ലിം 1163).

രാത്രിയുടെ അവസാന സമയത്ത് അല്ലാഹു താഴെയുള്ള ആകാശഭാഗത്ത് വന്ന് ചോദിക്കും: ആരെങ്കിലും ചോദിക്കുന്നുവോ നല്‍കിയിരിക്കും, ആരെങ്കിലും പ്രാര്‍ത്ഥിക്കുന്നുവോ ഉത്തരം നല്‍കിയിരിക്കും, ആരെങ്കിലും പാപമോചനം തേടുന്നവോ പൊറുത്തുകൊടുത്തിരിക്കും (ഹദീസ് ബുഖാരി 785).

ഉറക്കില്‍ നിന്ന് ഉണര്‍ന്ന് കുടുബക്കാരെയും ഉണര്‍ത്തി രണ്ടു റക്അത്ത് നിസ്‌ക്കരിച്ചാല്‍ ദാകിരീങ്ങളില്‍പ്പെടുമെന്ന് നബി (സ്വ) പറഞ്ഞിട്ടുണ്ട് (ഹദീസ് അബൂ ദാവൂദ് 1309, ഇബ്‌നു മാജ 1335). രാത്രി അവസാനിക്കേണ്ടത് വിത് ര്‍ നമസ്‌ക്കാരത്തോടെയാണ്. വിത്‌റിനെ രാത്രിയിലെ അവസാനത്തെ നമസ്‌ക്കാരമാക്കണമെന്നാണ് നബി (സ്വ)യുടെ കല്‍പന (ഹദീസ് ബുഖാരി, മുസ്ലിം).

പ്രവാചകസദസ്സുകള്‍ സ്വര്‍ഗീയ വിരുന്നുകള്‍

പ്രവാചകര്‍ മുഹമ്മദ് നബി (സ്വ) സ്വഹാബികള്‍ക്കായി നടത്തിയിരുന്ന സദസ്സുകള്‍ ചരിത്ര പ്രസിദ്ധമാണല്ലൊ. അവശതകള്‍ക്കുള്ള സ്വാന്തനവും പ്രശ്‌നങ്ങള്‍ക്കുള്ള പരിഹാരവുമായിരുന്നു ആ മജ്‌ലിസുകള്‍. അതിലുപരി ആത്മീയ സംഗ

പ്രവാചകരുടെ ആശയ സംവേദന രീതികള്‍ (ഭാഗം: 2)

മനസ്ഥൈര്യവും ദൃഢനിശ്ചയവുമില്ലാതെ പുരോഗമനപരമായ ഒരു കാര്യവും ചെയ്യാന്‍ മനുഷ്യര്‍ക്ക് സാധ്യമല്ല. ചിലര്‍ സ്വതവേ മനസ്ഥൈര്യം കൂടുതലുള്ളവരായിരിക്കും. എന്നാല്‍ മറ്റു ചിലര്‍ ആദ്യമേ അങ്ങനെ ആയിരിക്കണമെന്നില്ല.

മുഹമ്മദ് നബി: 12 ജീവിത ചിത്രങ്ങള്‍

മരുഭൂമിയിലാണ് തിരുനബി തുടങ്ങിയത്; പിന്നെ, അതിന്നും അവസാനിച്ചിട്ടില്ല. കറുത്തിരുണ്ട രാവിന്റെ ഗര്‍ഭ ഗൃഹത്തില്‍ നിന്നും പ്രകാശത്തിന്റെ പുലരി പിറക്കുന്നതു പോലെ, കറുത്ത കാലത്തെ കീഴ്പ്പെടുത്തി തിളങ്ങുന്ന പ

അല്ലാഹു ആഘോഷിച്ചു, വിശ്വാസികളും മുത്ത്‌നബിയെ ആഘോഷിക്കുന്നു

മനസ്ഥൈര്യവും ദൃഢനിശ്ചയവുമില്ലാതെ പുരോഗമനപരമായ ഒരു കാര്യവും ചെയ്യാന്‍ മനുഷ്യര്‍ക്ക് സാധ്യമല്ല. ചിലര്‍ സ്വതവേ മനസ്ഥൈര്യം കൂടുതലുള്ളവരായിരിക്കും. എന്നാല്‍ മറ്റു ചിലര്‍ ആദ്യമേ അങ്ങനെ ആയിരിക്കണമെന്നില്ല.

അബൂബക്കര്‍ സ്വിദ്ദീഖ് (റ) സര്‍വ്വം ത്യജിച്ച വിശ്വാസി

സ്വഹാബികളില്‍ പ്രഥമഗണ്യനാണ് ഒന്നാം ഖലീഫ അബൂബക്കര്‍ സിദ്ധീഖ് (റ). വിശ്വാസത്തിലും വിശ്വസ്തതയിലും ഒന്നാമന്‍. പ്രവാചകര്‍ മുഹമ്മദ് നബി (സ്വ) കൊണ്ടുവന്നതെല്ലാം പൂര്‍ണാര്‍ത്ഥത്തില്‍ വിശ്വസിച്ചത് കൊണ്ടാണ് അബൂ

ടി.പി. ഇപ്പ മുസ് ലിയാര്‍: ജ്ഞാനിയുടെ ജീവിതം

ശൈഖുനാ ടി.പി. ഇപ്പ മുസ്ലിയാരെന്ന അഭിവന്ദ്യ ഗുരുനാഥനെ ഓര്‍ക്കുമ്പോള്‍ അറിയാതെ നയനങ്ങള്‍ സജലങ്ങളാകുന്നു. വാത്സല്യനിധിയായ ഗുരുവിന്റെ മായാത്ത ഓര്‍മച്ചിത്രങ്ങള്‍ മനസ്സില്‍ മിന്നിമറയുന്നു.

ഇബ്‌നുഹജരില്‍ഹൈതമി(റ); ശാഫിഈ മദ്ഹബിലെ ചീഫ് ജസ്റ്റിസ്

ശാഫിഈ മദ്ഹബിലെ പണ്ഡിതരില്‍ വിശ്വപ്രസിദ്ധനാണ് ഇബ്‌നുഹജരില്‍ ഹൈതമി(റ). മദ്ഹബില്‍ പ്രാമാണിക ഗ്രന്ഥമായ തുഹ്ഫതുല്‍മുഹ്താജിന്റെ രചയിതാവെന്നതിലുപരി നിരവധി പ്രത്യേകതളദ്ദേഹത്തിനുണ്ട്. ശാഫിഈ മദ്ഹബിലെ കര്‍മ്മശാസ

പാനൂര്‍ തങ്ങള്‍: പാണ്ഡിത്യത്തിന്റെ വിശ്വരൂപം

പുണ്യപ്രവാചകന്‍ മുഹമ്മദ്(സ്വ)യുടെ കാലഘട്ടത്തില്‍ മാലിക് ദീനാര്‍(റ) കൊളുത്തിവച്ച ഇസ്‌ലാമിന്റെ വെളിച്ചം കേരളമാസകലം പ്രകാശിപ്പിച്ചത് നിസ്വാര്‍ത്ഥരായ പണ്ഡിതരാണ്. കാടും കടലും മണല്‍പരപ്പും താണ്ടി പരിശുദ്ധ ഇ

രാത്രി നമസ്‌കാരങ്ങളുടെ മാസം

സൂറത്തുല്‍ മുസ്സമില്‍ ആരംഭിക്കുന്നത് ഇങ്ങനെയാണ്. അല്ലാഹു പ്രവാചകരോടായി പറയുന്നു: 'ഹേ, പുതപ്പിട്ടു മൂടിയവരേ, രാത്രി അല്‍പസമയം ഒഴിച്ച് എഴുന്നേറ്റ് നിന്ന് നിസ്‌കരിക്കുക. രാത്രിയുടെ പകുതി, അല്ലെങ്കില്‍ അത

റമദാന്‍: ഉദാരത ശീലിപ്പിക്കുന്ന വിദ്യാലയം

ദാനധര്‍മങ്ങള്‍ ചെയ്യാന്‍ ആളുകള്‍ക്ക് പരിശീലനവും പ്രേരണയും നല്‍കുന്ന ഒരു കേന്ദ്രം പോലെയാണ് റമദാന്‍ കാലം പ്രവര്‍ത്തിക്കുന്നത്. അല്ലാഹു പറയുന്നു:

നോമ്പുകാരന്റെ മന്ത്രങ്ങള്‍

അല്ലാഹുവിനെക്കുറിച്ച ഓര്‍മകള്‍ നിരന്തരം മനസ്സില്‍ നിലനിര്‍ത്തുന്ന പ്രത്യേകം ചില ദിക്‌റുകളും മന്ത്രങ്ങളുമുണ്ട് നോമ്പുകാരന്. മറ്റാരെക്കാളും ദൈവസ്മരണകള്‍ വര്‍ദ്ധിപ്പിക്കുന്നവനാണ് അവന്‍. തക്ബീറിലും തസ്ബീഹ

റമദാനും ഖുര്‍ആനും

പരസ്പരം സ്‌നേഹിക്കുന്ന രണ്ട് സുഹൃത്തുക്കളെപ്പോലെയാണ് റമദാനും ഖുര്‍ആനും. പല നിലക്കും അവ പരസ്പരം ബന്ധപ്പെട്ടിരിക്കുന്നു. അല്ലാഹു പറയുന്നു: 'ജനങ്ങള്‍ക്ക് മാര്‍ഗദര്‍ശനവും സത്യത്തില്‍നിന്നും അസത്യത്തില്‍ന

ഇബ്‌റാഹീം നബിയുടെ ജീവിതസന്ദേശമാണ് ബലിപെരുന്നാള്‍

ഇബ്‌റാഹീം നബി (അ)യുടെ ജീവിതസന്ദേശമാണു ബലിപെരുന്നാളും ഹജ്ജും. വിശ്വാസി ജീവിതത്തില്‍ സ്വീകരിക്കേണ്ട സര്‍വമാതൃകകളും ഇബ്‌റാഹീം നബി (അ)യുടെ ജീവിതത്തിലൂടെ പഠിപ്പിക്കുന്നുണ്ട്. ഇലാഹീ വഴികളിലേക്കു ദിവ്യബോധനങ്

ഉള്ഹിയ്യത്ത്; ഒരു കര്‍മ്മശാസ്ത്ര വായന

മുസ്‌ലിം ലോകം ഇന്ന് സന്തോഷത്തിലാണ്. ഒരു അതിഥിയെ സല്‍ക്കരിക്കുന്ന ഒരുക്കത്തിലുമാണ്. പരിശുദ്ധ റമളാനിന്റെ വിടപറയലിന്ന് ശേഷം ദുല്‍ഹിജ്ജയുടെ നിലാവെളിച്ചം മാനത്ത് കണ്‍കുളിര്‍ക്കെ കണ്ടുകൊണ്ടിരിക്കുകയാണ് വിശ

ഹജ്ജ്: കര്‍മങ്ങളുടെ അകംപൊരുള്‍ തേടുമ്പോള്‍

ആത്മാവും ഹൃദയവും ശരീരവും ഒന്നിക്കുന്ന അവാച്യമായ നിമിഷങ്ങളെക്കുറിച്ചാണ് ഹജ്ജിന് പറയാനുള്ളത്. ഓരോ മുസ്‌ലിമിന്നും നിര്‍ബന്ധ ബാധ്യതയായ കര്‍മമെന്നതിലുപരി ഒരുപാട് അര്‍ത്ഥ തലങ്ങള്‍ ഹജ്ജിനുണ്ട്. ആത്മാവിന്റെയ

ദേഹേച്ഛകളുടെമേല്‍ കത്തിവെക്കുന്നതിന്റെ ഓര്‍മകളാണ് ബലിപെരുന്നാള്‍

ത്യാഗത്തിന്റെയും ആത്മസമര്‍പ്പണത്തിന്റെയും ദീപ്ത സ്മരണകള്‍ പങ്കുവെക്കുന്നതാണ് ബലിപെരുന്നാള്‍. അല്ലാഹുവിന്റെ കല്‍പനക്കും പ്രീതിക്കും വേണ്ടി ഏറ്റവും വിലപ്പെട്ടതിനെപ്പോലും ത്യജിക്കുവാന്‍ മനുഷ്യന്‍ തയ്യാറാ