2014 ല്‍ ഫഹ്മീദ റിയാസ് എന്ന പാക്കിസ്ഥാനി കവയത്രി ഇന്ത്യയെ സംബോധനം ചെയ്യുന്നതായി സങ്കല്‍പിച്ച് ഒരു കവിതയെഴുതി. അത് തുടങ്ങുന്നത് ഇങ്ങനെയാണ്. നീയും തീര്‍ത്തും ഞങ്ങളെപ്പോലെയായല്ലോ. ഇതുവരെ എവിടെ ഒളിച്ചിരിക്കുകയായിരുന്നു ചങ്ങാതി. ഞങ്ങള്‍ നൂറ്റാണ്ടു കഴിച്ചുകൂട്ടിയ ആ വങ്കത്തം, അതേ ജ്ഞാനം, ഒടുവില്‍ വന്നൂ, നിന്റെ വാതില്‍ക്കലും, നിനക്ക് അഭിനന്ദനം, ഒരുപാട് അഭിനന്ദനം.

എഴുപത്തിയൊന്ന് വര്‍ഷം മുന്‍പ് നാം നമുക്ക് നല്‍കിയ ഭരണഘടനയിലെ സ്വയം നിര്‍വചനത്തിന്റെ എല്ലാ സ്വഭാവസവിശേഷതകളും നഷ്ടമായ ഒരു തെരഞ്ഞെടുപ്പ് കാലമാണ് കഴിഞ്ഞ ദിവസങ്ങളില്‍ കര്‍ണാടകയില്‍ നടന്നത്. ഒരു പരമാധികാര, മതേതര, ജനാധിപത്യ, റിപ്പബ്ലിക് എന്ന നമ്മുടെ ലക്ഷ്യത്തില്‍ നിന്നും അകന്ന് മതാധിഷ്ഠിത, പണാധിപത്യ, അധാര്‍മ്മിക, ഫാസിസോന്മുഖ കോര്‍പറേറ്റനുകൂല ദേശരാഷ്ട്രമായി ഇന്ത്യയെ അമിത് ഷായും പ്രധാനമന്ത്രി നരേന്ദ്ര മോദിയും ചേര്‍ന്ന് മാറ്റിയെടുത്തു.

       കേന്ദ്രാധികാര ബലത്തില്‍ 55 മണിക്കൂര്‍ മുഖ്യമന്ത്രിക്കസേരയില്‍ ഇരുന്ന യദ്യൂരപ്പ ഗതിയില്ലാതെ രാജിവെച്ചൂരി. കീഴ്വഴക്കങ്ങളും, ജനാധിപത്യ മര്യാദയും, ഭരണഘടനയും, നീതിയും അട്ടിമറിച്ച ഭരണകൂട രാഷ്ട്രീയത്തെ നെഞ്ചും വിരിച്ച് നേരിട്ട് ചെറുത്ത് തോല്‍പ്പിച്ചതിന് കോണ്‍ഗ്രസിനും ജെ.ഡി.എസും ചരിത്രത്തിലെ വലിയ കയ്യടി അര്‍ഹിക്കുന്നുണ്ട്.

 ജനാധിപത്യത്തിന് തെറ്റുകള്‍ ഇല്ലാതാക്കാനും തിരുത്താനും കഴിയുമെന്ന വിശ്വാസം കര്‍ണാടക ഉറപ്പിക്കുന്നു. ഏതു വഞ്ചനയെയും തോല്‍പ്പിക്കുന്ന ഇന്ത്യന്‍ ഭരണഘടന തന്നെയാണ് ഇവിടെ വിജയിച്ചതും, അഭിവാജ്യ ഘടകമായി വര്‍ത്തിച്ചതും. ജനാധിപത്യം ലേലം വിളിക്കുന്ന അശ്ലീല രാഷ്ട്രീയത്തെ പ്രതിരോധിക്കുന്ന ഓരോ കൈകോര്‍ക്കലും രാഷ്ട്രീയ ധാര്‍മ്മികത ഉയര്‍ത്തിപ്പിടിക്കുന്നുണ്ട്. അന്യായത്തെ ചെറുക്കാന്‍ അന്യായത്തെ മുന്‍നിര്‍ത്തുന്ന നിസ്സഹായത ജനാധിപത്യത്തിനകത്ത് കൊണ്ടുവന്നത് വെറുപ്പിന്റെ രാഷ്ട്രീയം പയറ്റുന്ന ഷാ-മോദി കൂട്ടുകെട്ടാണ്. 

ദേശീയതയെ അധികാര വഴിയിലേക്ക് വലിച്ചിഴക്കുന്ന ബി.ജെ.പി രാഷ്ട്രീയത്തെ നാം കണ്ടതാണ്. ജനാധിപത്യ വഴക്കങ്ങളെ കീഴ്മേല്‍ മറിച്ചിട്ട് കര്‍ണാടക വിധാന്‍ സഭയില്‍ നിന്ന് ദേശീയ ഗാനത്തെ അപമാനിച്ച് ബി.ജെ.പി അംഗങ്ങള്‍ ഇറങ്ങിപ്പോയി. രാജ്യത്ത് ദേശീയത തല്ലിപ്പഠിപ്പിക്കുന്ന മുന്നണിയുടെ കപട ദേശീയതയണിഞ്ഞ മുഖംമൂടിയാണ് അവിടെ ദര്‍ശിച്ചത്. കനത്ത തിരിച്ചടിയേറ്റ ബി.ജെ.പി രാഷ്ട്രീയത്തിന്റെ ബോഡി ലാംഗ്വേജായി ഇതിനെ കണക്കാക്കണം.

      അമിത് ഷായും മോദിയും കണ്ണും നട്ട് കാത്തിരുന്ന കര്‍ണാടക തിരഞ്ഞെടുപ്പില്‍ ജനാധിപത്യം അവസാന ശ്വാസം വരെ തോല്‍ക്കാതെ പിടിച്ചുനിന്നു. ഭരിക്കാന്‍ ഭൂരിപക്ഷമില്ലെങ്കിലും അധികാരത്തിലെത്താന്‍ എല്ലാ നാണംകെട്ട അധാര്‍മ്മിക രീതികളെയും കൂട്ടുപിടിക്കുന്ന രാഷ്ട്രീയ മുന്നണിക്ക് മുന്നില്‍ അമ്പരക്കാനൊന്നുമില്ല. രണ്ടുപേര്‍ തിരഞ്ഞെടുക്കുന്ന കവിമയമുള്ള നിയന്ത്രണങ്ങളുടെ കേന്ദ്രം മാത്രമാണിപ്പോള്‍ ഭാരതം. ക്രമങ്ങളോ കീഴ്വഴക്കങ്ങളോ ഭരണഘടനയോ ഒന്നും തന്നെ പ്രശ്നമാവുന്നില്ല. നുണകളെ നിരന്തരം ഉണ്ടാക്കി, നാണമില്ലാതെ നെഞ്ചുയര്‍ത്തി നടക്കാനും അവര്‍ക്ക് മടിയില്ല. ഇതൊക്കെ തന്നെയാണ് കര്‍ണാടകയില്‍ കണ്ടത്.

     വെറുപ്പും വിദ്വേഷവും കുത്തിനിറച്ച പ്രചരണം, ശേഷം ജനം സ്വീകരിക്കാത്ത ജനവിധിയെ കളിയാക്കുന്ന കുതിര വ്യാപാരങ്ങള്‍. പണത്തിന്റെയും അധികാരത്തിന്റെയും മാത്രം ബലത്തില്‍ ജനാധിപത്യത്തെ വെല്ലുവിളിച്ചു ബി.ജെ.പി ഇന്ത്യ കണ്ട ഏറ്റവും വലിയ ജനാധിപത്യ അശ്ലീല നാടകങ്ങളിലൊന്നായേ ഇനി ചരിത്രം രേഖപ്പെടുത്തൂ. ജനാധിപത്യ ഹിംസക്ക് കുടപിടിച്ച് മൗനാനുവാദം നല്‍കി കാത്തിരുന്ന പ്രധാനമന്ത്രി നരേന്ദ്ര മോദി തരംഗമാണ് കര്‍ണാടകയില്‍ ഉണ്ടായതെന്ന് ആശ്വസിക്കുന്നുണ്ടെങ്കില്‍ അത് തെറ്റാണ്. 

ഉള്ള എല്ലാ വര്‍ഗീയ കാര്‍ഡുകളുമിറക്കി, ബെല്ലാരി രാജമാരെ അണിനിരത്തി, യെദ്യൂരപ്പയെ തിരിച്ചു കൊണ്ടുവന്ന് 21 റാലികളില്‍ മോദിയെ ഇറക്കി നേടാനായത് 104 സീറ്റ് മാത്രം. മോദി ബ്രാന്‍ഡില്ലാത്ത 2004ല്‍ നില ഇതിലും മെച്ചമായിരുന്നു. വോട്ട് ശതമാനത്തില്‍ കോണ്‍ഗ്രസിനും പിന്നില്‍ നിന്നു. ജനം വളര്‍ത്താത്ത താമരയെ പണം നല്‍കി വിടര്‍ത്തി, ചാണക്യ തന്ത്രമെന്ന ഓമനപ്പേരില്‍ വിളിക്കുന്ന വൃത്തികെട്ട രാഷ്ട്രീയത്തിന്റെ നിര്‍ബന്ധിത ഫുള്‍സ്റ്റോപ്പാണ് കര്‍ണാടകയില്‍ സംഭവിച്ചത്. 

      ഏതു സമയവും ഭരണഘടനാ സ്ഥാപനങ്ങളെ വളച്ചെടുക്കാനുള്ള അധികാര രാഷ്ട്രീയത്തിന്റെ അവസാന ഉദാഹരണം മാത്രമാണ് ഗവര്‍ണര്‍ വാജുഭായ് വാല. അപകടകരമാണ് ഈ പോക്ക്. അംഗബലമുള്ളവരുടെ അവകാശത്തെ തള്ളിക്കളഞ്ഞ് അംഗബലമില്ലാത്തവരെ ഭരിക്കാന്‍ വിളിച്ച ഗവര്‍ണര്‍ ആരുടെ കല്‍പ്പനകളാണ് അനുസരിച്ചതെന്നറിയാന്‍ എവിടെയും പോകേണ്ടതില്ല. വിവേചനാധികാരത്തെ തന്നിഷ്ടപ്രകാരമാക്കി, അധികാര, ഭരണഘടനാ കാര്യാലയങ്ങളെ സംഘ്പരിവാര്‍ വല്‍ക്കരിച്ച് ഭൂരിപക്ഷ ദേശീയ വാദത്തെ പിന്താങ്ങി ഫാസിസം അടിച്ചു കയറ്റാനുള്ള ശ്രമങ്ങളിലൊന്നാണ് പൊതുജന മധ്യത്തില്‍ ഇപ്പോള്‍ തകര്‍ന്നു വീണിരിക്കുന്നത്.

      2019 ലേക്കുള്ള വലിയ ചോദ്യങ്ങളുടെ ചെറിയ മറുപടികള്‍ മാത്രമാണിത്. സാധ്യമാവുന്ന എല്ലാ ജനാധിപത്യ സഖ്യങ്ങളും സംഭവിക്കണം. പ്രതിപക്ഷ ഐക്യനിര വളര്‍ന്നിട്ടുണ്ട്. മതേതര ഇന്ത്യന്‍ സത്വത്തോട് കൂറും പ്രതിബദ്ധതയുമുള്ള എല്ലാ ചെറു കക്ഷികളും അണിചേരുന്ന രാഷ്ട്രീയ മുന്നണി ഇന്ത്യക്ക് വേണം.

     അര്‍ദ്ധ/മൃദു വലതു പക്ഷ നിലപാടുകള്‍ക്കും, കൃഷ്ണ ജയന്തി ആഘോഷങ്ങള്‍ക്കും, സവര്‍ണ്ണ സംവരണങ്ങള്‍ക്കും മുതലാളിത്വ പ്രീണനങ്ങള്‍ക്കോ ബി.ജെ.പി രാഷ്ട്രീയത്തെ പിടിച്ചു കെട്ടാനാവില്ല. ഇന്ത്യയുടെ പാര്‍ലമെന്ററി സംവിധാനത്തിലെ ഇരു സഭകളിലും ഫാഷിസ്റ്റുകള്‍ ഭൂരിപക്ഷം നേടരുത്. അങ്ങനെയായാല്‍ ഹിന്ദുത്വ അജണ്ടകള്‍ ഉള്‍ക്കൊള്ളിക്കും വിധം ഭരണഘടന തിരുത്തിയെഴുതപ്പെടുകയും ചെയ്യും. അവകാശ സമരങ്ങളും ജാതി/ഫ്യൂഡല്‍ വിരുദ്ധ പ്രക്ഷോഭങ്ങള്‍ നടക്കുന്ന രാജ്യത്ത് ജനാധിപത്യം അത്യന്താപേക്ഷിതമാണ്. 

രാജ്യത്തെ ആധുനിക, ലിബറല്‍, മതേതരം നിലനില്‍ക്കണം. അഥിന് പ്രതിപക്ഷ നിര ഒറ്റക്കെട്ടാവുക എന്നതാണ് അടിയന്തരമായ് ചെയ്യേണ്ടത്. കര്‍ണാടകയില്‍ കോണ്‍ഗ്രസിനെ പതിവ് പല്ലവിയില്‍ വിലയിരുത്തരുത്. മതേതര സ്വഭാവം കാണിച്ച സിദ്ധരാമയ്യ സര്‍ക്കാര്‍, മീഡിയ തലങ്ങളില്‍ മെച്ചപ്പെട്ട അവസ്ഥയില്‍ തെരഞ്ഞെടുപ്പ് ക്യാമ്പയിനുകള്‍ നടത്തിയിട്ടും തിരഞ്ഞെടുക്കപ്പെടാതെ പോയത് വിശദമായ വിശകലനത്തിന് വിധേയമാക്കണം.

     വ്യത്യസ്ഥമായി അണിനിരക്കുക, ഒരുമിച്ച് അക്രമിക്കുക എന്ന പ്രക്രിയയെ പ്രവര്‍ത്തി പദത്തിലെത്തിക്കാന്‍ കഴിയണം. ഈ തിരഞ്ഞെടുപ്പിന് ശേഷം ബി.ജെ.പി വിരുദ്ധ പക്ഷത്തുള്ള പ്രതിപക്ഷ കക്ഷികള്‍ ഐക്യത്തോടെ നീങ്ങേണ്ടതുണ്ട്. ഒരു രണ്ടാം സ്വാതന്ത്ര്യ സമരത്തിനുള്ള സമയമായിട്ടുണ്ട്. ഫാഷിസ വല്‍ക്കരണത്തിനെതിരെയുള്ള സമരസപ്പെടാത്ത വലിയ പ്രതിരോധമാണ് രണ്ടാം സമരത്തില്‍ മുന്‍നിര്‍ത്തേണ്ടത്. 

     പൗരന്മാര്‍ നികുതി നല്‍കാനും നിയമങ്ങള്‍ അനുസരിക്കാനും മാത്രമുള്ളവരാണെന്ന് വിശ്വസിക്കുന്ന, കീഴാള സമരങ്ങളെ അടിച്ചൊതുക്കുന്ന, ചില പ്രശ്നങ്ങള്‍ ഉന്നയിക്കുന്നവരും മതം പിന്തുടരുന്നവരും രാജ്യ ദ്രോഹികളെന്ന് മുദ്രകുത്തുന്ന, പോലീസിനെയും പട്ടാളത്തെയും ജനങ്ങളെ ശത്രുക്കളായി കാണാന്‍ പഠിപ്പിക്കുന്ന, പൗരാവകാശങ്ങളെ ഭയപ്പെടുന്ന, ധാര്‍മ്മികതയെ പാടെ ഒഴിവാക്കുന്ന, നീതി നിര്‍വ്വഹണ സ്ഥാപനങ്ങളെ സ്വാധീനിക്കുന്ന, ഭരണഘടനാ വ്യവഹാരങ്ങളെ വിഴുങ്ങുന്ന ഒരു ഭരണകൂടം സമഗ്രാധിപത്യപരമായ ജനകീയത (അതോറിറ്റേറിയന്‍ പോപ്പുലറിസം) എന്ന സങ്കല്‍പത്തിന് വിരുദ്ധമാണ്. 

        ഇന്നത്തെ രാഷ്ട്രീയ സന്ദര്‍ഭം ആവശ്യപ്പെടുന്നത് വിശാല ഐക്യമാണ്. നിയോ ലിബറല്‍ സാമ്പത്തിക നയങ്ങളും ന്യൂനപക്ഷങ്ങളുടെ അന്യവല്‍ക്കരണവും, ആക്രമണവും, ഭരണഘടനാ ലംഘനവും മൗലികാവകാശ നിഷേധങ്ങളും മതേതരത്വത്തിന്റെ അപചയവും, ബുദ്ധിജീവികളുടെ കൊലകളും, തൊഴിലില്ലായ്മയും, വിദ്യാഭ്യാസ കാവി വല്‍ക്കരണവും, സ്വകാര്യവത്കരണവും അടങ്ങുന്ന വ്യത്യസ്ത പ്രതിസന്ധികളില്‍ കാഴ്ചപ്പാടുകളും സമീപനങ്ങളുമാണ് ഓരോ കക്ഷി രാഷ്ട്രീയ പാര്‍ട്ടികളെ ഉണര്‍ത്തേണ്ടത്.

     ബഹുകക്ഷി സമ്പ്രദായത്തിന്റെയും ഇന്ത്യന്‍ ഭരണഘടനയുടെയും ജനാധിപത്യത്തിന്റെയും അതിജീവനത്തിന്റെയും പ്രശ്നമായി വരും തിരഞ്ഞെടുപ്പിനെ മനസ്സിലാക്കി ഐക്യനിര ഉയരണം. ബി.ജെ.പി വിരുദ്ധ ബദല്‍ തന്നെയാണ് രാജ്യം തേടുന്നത്. അരാജകത്വപരമായ ഭീതിയും അരാഷ്ട്രീയ വാദങ്ങളും ഭീഷണികളും വധങ്ങളും വര്‍ധിക്കുന്ന സാഹചര്യത്തില്‍ വലതുപക്ഷ വര്‍ഗീയതയെ പിടിച്ചു കെട്ടാന്‍ അനിവാര്യമായ ഒരുറപ്പ് കര്‍ണാടക തിരഞ്ഞെടുപ്പില്‍ നല്‍കിക്കഴിഞ്ഞു. ഇനി അതില്‍ മുഴുകുകയും രാജ്യം ഒന്നിക്കുകയും ചെയ്യുന്ന ശുഭ വാര്‍ത്തയാണ് കേള്‍ക്കേണ്ടത്.

TODAY'S WORD

 നന്മ കൊതിക്കുന്നവരേ, മുന്നോട്ടു വരിക. തിന്മയില്‍ അഭിരമിക്കുന്നവരേ, പിറകോട്ടു പോവുക (തുര്‍മുദി).

 

FROM SOCIAL MEDIA

ഈ റമദാനില്‍ നിങ്ങള്‍ എന്തിനാണ് കൂടുതല്‍ സമയം ചെലവഴിക്കുക?

5.15%
79.38%
13.4%
2.06%

Aqeeda

image
വിചാരണയുടെ വിവിധ മുഖങ്ങള്‍
ഐഹികജീവിതത്തെ കുറിച്ച് സമ്പൂര്‍ണ വിചാരണ നടത്തുന്നതിന് വേണ്ടിയാണ് മനുഷ്യരടക്കമുള്ള മുഴുവന്‍ സൃഷ്ടിജാലങ്ങളെയും മഹ്ശറില്‍ അല്ലാഹു ഒരുമിച്ചുകൂട്ടുന്നത്. പുനരുത്ഥാനം മുതല്‍ സ്വര്‍ഗ-നരക പ്രവേശനം വരെയുള്ള കാലയളവ് അത്യന്തം ദൈര്‍ഘ്യമേറിയതായിരിക്കും. ഇത് അമ്പതിനായിരം വര്‍ഷത്തിനു സമാനമായിരിക്കുമെന്ന് പ്രവാചകവചനങ്ങളില്‍ കാണാം. എന്നാല്‍ സദ്‌വൃത്തനായ സത്യവിശ്വാസിയെ സംബന്ധിച്ചേടത്തോളം ഇത് വളരെ കുറഞ്ഞ സമയമായിട്ടാണനുഭവപ്പെടുക. വിചാരണ ദിവസത്തില്‍ അല്ലാഹുവിന്റെ ശോഭയാല്‍ ഭൂമി പ്രകാശിക്കുന്നതായും വാനലോകത്തുനിന്നും മ

Tasawwuf

ഖുര്‍ആന്‍: മധുരം ഈ വചനാമൃതം

പരിശുദ്ധ ഖുര്‍ആന്‍ ദൈവിക ഗ്രന്ഥമാണ്. ഉള്ളടക്കം ദൈവ വചനങ്ങള്‍ മാത്രമാണ്. പ്രവാചകര്‍ മുഹമ്മദ് നബി (സ്വ)ക്ക് അവതീര്‍ണമായ ഈ വേദം അതി അമാനുഷികമത്രെ. അന്ത്യനാള്‍ വരെ യാതൊരു വക്രീകരണത്തിനോ മാറ്റിതിരുത്തലിനോ വിധേയമാവാത്ത വിധം അതിന്റെ സംരക്ഷണം അല്ലാഹു തന്നെ ഏറ്റെടുത്തതുമാണ്. ഖുര്‍ആനില്‍ കാലങ്ങളായ ഭൂതമുണ്ട്, വര്‍ത്തമാനമുണ്ട്, ഭാവിയുമുണ്ട്. ഈ വിശുദ്ധ ഗ്രന്ഥത്തിന്റെ പാരായണം ആരാധന കൂടിയാണ്. ഖുര്‍ആന്‍ ശാസ്ത്രങ്ങളുടെ ശാസ്ത്രമാണ്. അതില്‍ രോഗങ്ങള്‍ക്ക് ശമനമുണ്ട്, ആകുലതകള്‍ക്ക് പരിഹാരവുമുണ്ട്. മനസ്സുകള്‍ക്കുള്ള ശാന്തിയും ചിത്തങ്ങള്‍ക്കുള്ള മാര്‍ഗദീപവുമാകുന്നു ഖുര്‍ആന്‍. സ്വര്‍ഗഭാഷയായ അറബിയിലുള്ള വേദഗ്രന്ഥത്തില്‍ ചിന്തകളെ ഉണര്‍ത്തുന്ന ഉപമകളുമുണ്ട്.

വ്രതാനുഷ്ഠാന മാസമായ റമദാന്‍ ഖുര്‍ആനിന്റെ മാസം കൂടിയാണ്. അല്ലാഹു പറയുന്നു: ജനങ്ങള്‍ക്ക് മാര്‍ഗദര്‍ശകമായും സത്യാസത്യവിവേചനത്തിനും സന്മാര്‍ഗ ദര്‍ശനത്തിനുമുള്ള വ്യക്തമായ ദൃഷ്ടാന്തങ്ങളായും കൊണ്ട് ഖുര്‍ആന്‍ അവതരിപ്പിക്കപ്പെട്ട മാസമാകുന്നു റമദാന്‍ (ഖുര്‍ആന്‍, സൂറത്തുല്‍ ബഖറ 185). റമദാന്‍ കാരണം സത്യവിശ്വാസികള്‍ക്ക് രണ്ടു ശുപാര്‍ശകളാണ് ലഭിക്കാനിരിക്കുന്നത്. നബി (സ്വ) പറഞ്ഞിട്ടുണ്ട് : ഖുര്‍ആനും വ്രതവും അന്ത്യനാളില്‍ അടിമക്ക് വേണ്ടി അല്ലാഹുവിനോട് ശുപാര്‍ശ ചെയ്യും (ഹദീസ് അഹ്മദ് 6626). ആയതിനാല്‍ വ്രതാനുഷ്ഠാനവും ഖുര്‍ആന്‍ പാരായണവുമാണ് റമദാനിലെ മുഖ്യാരാധനകള്‍.

ഖുര്‍ആന്‍ മധുരതരമാണ്. ഖുര്‍ആനിക വാക്യങ്ങള്‍ സുവ്യക്തവും അതി സ്പഷ്ടവുമാണ്. സാഹിത്യത്തില്‍ അഗ്രഗണ്യരായിരുന്ന അറബി കവികള്‍, വാഗ്മികള്‍ പോലും ഈ ദിവ്യ വചനങ്ങള്‍ക്ക് മുമ്പില്‍ പകച്ചുപോയിട്ടുണ്ട്. ഖുര്‍ആനിനെ പ്പറ്റി ഖുര്‍ആനില്‍ തന്നെ അല്ലാഹു പ്രതിപാദിക്കുന്നുണ്ട് : അല്ലാഹുവാണ് ഏറ്റവും ഉത്തമമായ വര്‍ത്തമാനം ഇറക്കിയിരിക്കുന്നത്. വചനങ്ങള്‍ പരസ്പരം സാമ്യമുള്ളതും ആവര്‍ത്തിക്കപ്പെടുന്നതുമായ ഗ്രന്ഥം. തങ്ങളുടെ രക്ഷിതാവിനെ ഭയപ്പെടുന്നവരുടെ ചര്‍മ്മങ്ങള്‍ അതുമൂലം രോമാഞ്ചമണിയുന്നതാണ്. പിന്നീട് അവരുടെ ചര്‍മ്മങ്ങളും ഹൃദയങ്ങളും അല്ലാഹുവിന്റെ സ്മരണയിലേക്ക് മയപ്പെടുകയും ചെയ്യും. അത് അല്ലാഹുവിന്റെ മാര്‍ഗദര്‍ശനമാകുന്നു. താന്‍ ഉദ്ദേശിച്ചവരെ അതുമൂലം അവന്‍ നേര്‍മാര്‍ഗത്തിലാക്കുന്നു. അല്ലാഹു വല്ലവനെയും വഴി തെറ്റിച്ചാല്‍ അവനെ നേര്‍വഴിയിലാക്കുന്ന ആരുമില്ല തന്നെ (സൂറത്തുല്‍ സുമര്‍ 23). 

ഖുര്‍ആന്‍ അതി മാസ്മരികവും ഗുണപാഠനിബിഡവുമാണ്. ഖുര്‍ആന്‍ കേള്‍ക്കുന്ന കാതുകള്‍ മടുക്കുകയില്ല. ഖുര്‍ആന്‍ ആവാഹിക്കുന്ന ഹൃദയങ്ങള്‍ ദിവ്യാനുഭൂതിയിലായിരിക്കും. ഖുര്‍ആനിന്റെ മാധുര്യം നുകര്‍ന്ന് സത്യദീനിലേക്ക് കടന്നുവന്നയാളാണല്ലൊ വലീദു ബ്‌നു മുഗീറ (റ). ഖുര്‍ആന്‍ ശ്രവിച്ച അദ്ദേഹം പറയുകയുണ്ടായി: 'ദൈവമാണേ സത്യം, നിശ്ചയം ഖുര്‍ആനിന് മാധുര്യമുണ്ട്, എത്ര സുന്ദരവും സുകൃത പൂര്‍ണവുമാണത്! അതില്‍ മുഴുവനും നന്മകളേയുള്ളൂ. ഖുര്‍ആന്‍ സര്‍വതിനെയും അതിജയിക്കും. അതിനെ ഒന്നും കവച്ചുവെക്കുകയുമില്ല'. 

ഖുര്‍ആന്‍ അതിഗഹനമാണ്. നേരായ ബുദ്ധിയുള്ളവര്‍ക്ക് ശ്രീഘഗ്രാഹ്യവുമാണത്. ഒരിക്കല്‍ ഒരാള്‍ നബി (സ്വ)യുടെ അടുക്കലേക്ക് വന്ന് പറഞ്ഞു: തിരു ദൂതരേ, ഞാനൊരു സ്വപ്‌നം കാണുകയുണ്ടായി, ആകാശ ഭൂമികള്‍ക്കിടയില്‍ നിന്ന് ഒരു മേഘം വെണ്ണയും തേനും വര്‍ഷിക്കുന്നു. ഒരു കൂട്ടം ആള്‍ക്കാര്‍ അവയില്‍ നിന്ന് വേണ്ടുവോളം എടുക്കുന്നു. കൂടുതലെടുക്കുന്നവരും കുറച്ചെടുക്കുന്നവരുമുണ്ട്. ഇതു കേട്ട അബൂബക്കര്‍ സിദ്ധീഖ് (റ) നബി (സ്വ) പറഞ്ഞു: ദൈവ ദൂതരേ, ഈ സ്വപ്‌നത്തിന്റെ വ്യാഖ്യാനം ഞാന്‍ പറയാം, അനുവാദം തന്നാലും. നബി (സ്വ) അനുവാദം നല്‍കി. അദ്ദേഹം പറഞ്ഞു: ആ മേഘം ഇസ്ലാം മതമാണ്. അതിലെ തേനും വെണ്ണയും ഖുര്‍ആനാണ്. ഖുര്‍ആനിന് തേനിന്റെ മാധുര്യവും വെണ്ണയുടെ നൈര്‍മല്യവുമുണ്ട്. അവയില്‍ നിന്ന് വാരിക്കോരിയെടുക്കുന്നവര്‍ ഖുര്‍ആന്‍ നുകരുന്നവരാണ് (ഹദീസ് ബുഖാരി, മുസ്ലിം).

താബിഈ നേതാവ് ഹസനുല്‍ ബസ്വരി (റ) പറയുന്നു: മൂന്നു കാര്യങ്ങളിലാണ് നിങ്ങള്‍ ആനന്ദം കണ്ടെത്തേണ്ടത് 1. നമസ്‌ക്കാരം 2. ഖുര്‍ആന്‍ 3. ദൈവ സ്മരണ, നിങ്ങള്‍ ഈ മൂന്നു കാര്യങ്ങളുടെ മാധുര്യം നുകര്‍ന്നാല്‍ നിങ്ങളുടെ ജീവിതം വിജയത്തിലും സന്തോഷത്തിലുമായിരിക്കും. ദൈവങ്കലില്‍ നിന്നുള്ള അഭിസംബോധനമെന്ന് മനസ്സിലാക്കി ആദരവുകളോടെ ഖുര്‍ആനിനെ പാരായണം ചെയ്യുകയും ജീവിതപാഠമാക്കുകയും ചെയ്തവര്‍ക്കേ ആ മാധുര്യം നുണയാനാവുകയുള്ളൂ. 

അബ്ദുല്ലാ ബ്‌നു മസ്ഊദ് (റ) പറയുന്നു: ഒരുത്തന്‍ താന്‍ അല്ലാഹുവനെ ഇഷ്ടപ്പെടുന്നുവോ എന്നറിയാന്‍ അവന്റെ ശരീരത്തെ ഖുര്‍ആനിന് സമര്‍പ്പിക്കട്ടെ, അവന്‍ ഖുര്‍ആനിനെ ഇഷ്ടപ്പെട്ടാല്‍ നിശ്ചയമായും അവന്‍ അല്ലാഹുവിനെയും ഇഷ്ടപ്പെട്ടിരിക്കുന്നു. ഖുര്‍ആന്‍ അല്ലാഹുവിന്റെ വചനങ്ങളാണല്ലൊ. ദൈവ വചനങ്ങളെ ഇഷ്ടപ്പെടുന്നവന്‍ അത് കൂടുതലായും പാരായണം ചെയ്യും. നബി (സ്വ) ശാന്തതയോടെയും അടക്കത്തോടെയും പാരായണം ചെയ്ത് ഖുര്‍ആനിന്റെ മാധുര്യം നേടുമായിരുന്നു. അക്ഷരാക്ഷരം വ്യക്തതയോടെയായിരുന്നു നബി (സ്വ)യുടെ ഖുര്‍ആന്‍ പാരായണം (ഹദീസ് അബൂ ദാവൂദ് 1466, തുര്‍മുദി 2923, നസാഈ 1022). 

അവധാനതയോടെ കൂടുതല്‍ സമയമെടുത്താണ് നബി (സ്വ) ഖുര്‍ആനിക സൂക്തങ്ങള്‍ പാരായണം ചെയ്തിരുന്നത് (ഹദീസ് മുസ്ലിം 733, അഹ്മദ് 26441). പല ഭാഗങ്ങളായി നിരവധി സന്ദര്‍ഭങ്ങളില്‍ ഇറക്കപ്പെട്ട ഖുര്‍ആന്‍ സാവകാശത്തോടെ ഓതാനാണ് നബി (സ്വ) ദൈവ കല്‍പ്പന. ധൃതിയില്ലാത്ത സാസ്ഥ്യമായ പാരായണത്തിലൂടെ മാത്രമേ ഓതുന്നവനും ശ്രവിക്കുന്നവനും ഖുര്‍ആനിന്റെ അര്‍ത്ഥതലങ്ങള്‍ ഗ്രഹിക്കാനും ആ വചനാമൃതം ഉള്‍ക്കൊള്ളാനും മാധുര്യം നുകരാനും സാധിക്കുകയുള്ളൂ.

രാത്രിയിലെ ഖുര്‍ആന്‍ പാരായണവും ഖുര്‍ആന്‍ ഓതിക്കൊണ്ടുള്ള രാത്രി നമസ്‌ക്കാരവും ആ മാധുര്യം രുചിക്കാന്‍ കാരണമാക്കും. അല്ലാഹു പറയുന്നുണ്ട് : രാത്രി നമസ്‌ക്കാരത്തിന് ഉണര്‍ന്നെഴുന്നേക്കുന്നത് കാതും ഹൃദയവും തമ്മില്‍ കൂടുതല്‍ യോജിപ്പുണ്ടാക്കുന്നതും പാരായണം കൂടുതല്‍ സ്പഷ്ടമാക്കുന്നതുമാണ് (ഖുര്‍ആന്‍, സൂറത്തുല്‍ മുസമ്മില്‍ 06). മാത്രമല്ല, രാത്രി ഖുര്‍ആന്‍ ഓതിക്കൊണ്ട് നമസ്‌ക്കരിക്കുന്നവന് ശ്രേഷ്ഠ പ്രതിഫലമുണ്ടെന്ന് നബി (സ്വ) പഠിപ്പിക്കുന്നുമുണ്ട്. ഖുര്‍ആന്‍ ഓതപ്പെട്ടാല്‍ അതിലേക്ക് ശ്രദ്ധിച്ചു കേള്‍ക്കണമെന്നാണല്ലൊ ദൈവാഹ്വാനം. 

നബി (സ്വ) സശ്രദ്ധം ശ്രവിച്ച് ആ ഖുര്‍ആനിക മാധുര്യം നുകരുമായിരുന്നു. ഒരിക്കല്‍ നബി (സ്വ) അബ്ദുല്ലാ ബ്‌നു മസ്ഊദി (റ)നോട് പറഞ്ഞു: താങ്കള്‍ എനിക്ക് ഖുര്‍ആന്‍ ഓതിത്തരിക. അദ്ദേഹം പറഞ്ഞു: ഞാന്‍ തിരുമേനിക്ക് ഓതിത്തരണമെന്നാണോ! അങ്ങക്കാണല്ലൊ ഖുര്‍ആന്‍ അവതരിപ്പിക്കപ്പെട്ടത്. അപ്പോള്‍ നബി (സ്വ) പറഞ്ഞു: മറ്റുള്ളവരില്‍ നിന്ന് ഖുര്‍ആന്‍ കേള്‍ക്കലിനെ ഞാന്‍ ഇഷ്ടപ്പെടുന്നു. അങ്ങനെ അദ്ദേഹം നിസാഅ് അധ്യാത്തിലെ 41ാം സൂക്തം ഓതുകയുണ്ടായി. അതു കേട്ട് അര്‍ത്ഥം ഗ്രഹിച്ച നബി (സ്വ)യുടെ കവിള്‍ തടങ്ങളിലൂടെ കണ്ണുനീര്‍ ഒഴുകുന്നുണ്ടായിരുന്നു (ഹദീസ് ബുഖാരി, മുസ്ലിം).

ഖുര്‍ആന്‍ പാരായണത്തിലെ ശ്രുതിമാധുര്യം നബി (സ്വ) ഏറെ ഇഷ്ടപ്പെട്ടിരുന്നു. ഒരിക്കല്‍ നബി (സ്വ) സഞ്ചരിക്കവേ വഴിയില്‍ വെച്ച് അബൂ മൂസല്‍ അശ്അരി (റ)യുടെ ഖുര്‍ആന്‍ പാരായണം ശ്രവിക്കാനിടയായി. പിറ്റേ ദിവസം അദ്ദേഹത്തെ കണ്ടുമുട്ടിയ നബി (സ്വ) ആ മധുര ശബ്ദത്തെ പ്രശംസിക്കുകയുണ്ടായി (ഹദീസ് മുസ്ലിം). 

ഖുര്‍ആന്‍ ശ്രവിച്ച് ആശയതലങ്ങളില്‍ ചിന്തിച്ച് ഗ്രഹിക്കുകയും ആ മാസ്മരിക മാധുര്യമെത്തിക്കുകയും ചെയ്യുന്ന പണ്ഡിതന്മാരെപ്പറ്റി ഖുര്‍ആന്‍ വിവരിക്കുന്നത് ഇങ്ങനെ: 'നിശ്ചയമായും ഖുര്‍ആനിന്റെ മുമ്പ് തന്നെ ജ്ഞാനം നല്‍കപ്പെട്ടവര്‍ക്കും ഖുര്‍ആന്‍ ഓതിക്കൊടുത്താല്‍ മുഖം കുത്തി സാഷ്ടാംഗം ചെയ്യുന്നവരായി നിലത്തു വീഴും. അവര്‍ പറയും: നമ്മുടെ രക്ഷിതാവ് പരിശുദ്ധനാണ്. നമ്മുടെ രക്ഷിതാവിന്റെ വാഗ്ദാനം നടപ്പില്‍വരുന്നത് തന്നെയാകുന്നു. അവര്‍ കരഞ്ഞുകൊണ്ടു നിലത്തു വീഴുന്നതും പരിശുദ്ധ ഖുര്‍ആനിന്റെ ശ്രവണം അവര്‍ക്ക് വിനയം വര്‍ദ്ധിപ്പിക്കുന്നതുമാണ്' (സൂറത്തുല്‍ ഇസ്‌റാഅ് 107, 108, 109). ഖുര്‍ആന്‍ യഥാവിധി പാരായണം ചെയ്യുകയും തഥനുസൃതം ജീവിക്കുകയും ചെയ്‌തെങ്കില്‍ മാത്രമേ ആ രുചി അനുഭവഭേദ്യമാവുകയുള്ളൂ.

സുന്നത്ത് നിസ്‌ക്കാരങ്ങള്‍ സുകൃത വഴികള്‍

ഇസ്ലാമിക പഞ്ചസ്തംഭങ്ങളിലെ രണ്ടാമത്തേതാണ് നിസ്‌ക്കാരം. സ്വര്‍ഗത്താക്കോലായി അറിയപ്പെടുന്ന നിസ്‌ക്കാരമാണ് വിശ്വാസിയും അവിശ്വാസിയും തമ്മിലുള്ള പ്രധാന അന്തരം. രാപ്പകലുകളിലായി അഞ്ചു നിസ്‌ക്കാരങ്ങളാണല്ലൊ അല്ലാഹു നിര്‍ബന്ധമാക്കിയിട്ടുള്ളത്. അവ യഥാസമയം മുറപോലെ നിര്‍വ്വഹിക്കാനും അല്ലാഹു കല്‍പ്പിച്ചിട്ടുണ്ട്. : 'എല്ലാ നിസ്‌ക്കാരങ്ങളെയും ഏറ്റവും ഉല്‍കൃഷ്ടമായ നിസ്‌ക്കാരത്തെയും നിങ്ങള്‍ നിഷ്ഠയോടെ നിലനിര്‍ത്തുകയും അല്ലാഹുവിനോട് അനുസരണയും വിനയ ഭയഭക്തിയുമുള്ളവരായി നില്‍ക്കുകയും ചെയ്യുക' (ഖുര്‍ആന്‍, സൂറത്തുല്‍ ബഖറ 238).

യഥാവിധി സമയനിഷ്ഠയോടെ ഭക്തിപൂര്‍വ്വം പരിപൂര്‍ണമായി നിസ്‌ക്കാരം നിര്‍വ്വഹിക്കുന്നവര്‍ക്ക് വ്യക്തമായ പാപമോക്ഷവും സ്വര്‍ഗപ്രവേശവുമാണ് അല്ലാഹു വാഗ്ദാനം ചെയ്തിരിക്കുന്നത്. മുഹമ്മദ് നബി (സ്വ) പറയുന്നു: അഞ്ചു നിസ്‌ക്കാരങ്ങളാണ്  അല്ലാഹു ഫര്‍ളാക്കിയിട്ടുള്ളത്. ഒരുത്തന്‍  പൂര്‍ണരീതിയിലുള്ള അംഗശുദ്ധി വരുത്തി ഭക്തിസാന്ദ്രമായി റുകൂഹ് ശരിയാക്കി സമയാസമയം ആ നിസ്‌ക്കാരങ്ങള്‍ നിര്‍വ്വഹിച്ചാല്‍ അവനിക്ക് പാപങ്ങള്‍ പൊറുത്തുകൊടുക്കാന്‍ അല്ലാഹു കരാറിലേര്‍പ്പെട്ടിരിക്കുന്നു (ഹദീസ് അബൂദാവൂദ് 425).

ഫര്‍ള് നിസ്‌ക്കാരങ്ങളിലെ പാകപ്പിഴവുകള്‍ക്ക് പരിഹാരമായി വര്‍ത്തിക്കുന്ന സുന്നത്ത് നിസ്‌ക്കാരങ്ങളാണ് പരിപൂര്‍ണത വരുത്തുന്നത്. നബി (സ്വ) പറഞ്ഞിട്ടുണ്ട് : അന്തനാളില്‍ അടിമ ആദ്യമായി വിചാരണ ചെയ്യപ്പെടുന്നത് നിസ്‌ക്കാരത്തെപ്പറ്റിയാണ്. നിസ്‌ക്കാരം പരിപൂര്‍ണമാക്കിയാല്‍ അവനിക്ക് പരിപൂര്‍ണ നിസ്‌ക്കാരമായി എഴുതപ്പെടും. പരിപൂര്‍ണമാക്കിയില്ലെങ്കില്‍ അല്ലാഹു പറയും  എന്റെ അടിമ വല്ല സുന്നത്തും നിര്‍വ്വഹിച്ചിട്ടുണ്ടോയെന്നറിയുക, അവ ഫര്‍ള് നിസ്‌ക്കാരങ്ങള്‍ക്ക് പരിപൂര്‍ണത നല്‍കുന്നതാണ് (ഹദീസ് അബൂ ദാവൂദ് 864, നസാഈ 465, തുര്‍മുദി 413, ഇബ്‌നു മാജ 1426, അഹ്മദ് 16949). സുന്നത്ത് കര്‍മ്മങ്ങളും സുന്നത്ത് നിസ്‌ക്കാരങ്ങളും അധികരിപ്പിക്കാനുള്ള പ്രേരകമാണ് മേല്‍ഹദീസ്. ഒരിക്കല്‍ നബി (സ്വ) ശൗബാ(റ) നോട് പറയുകയുണ്ടായി: നീ അല്ലാഹുവിന് സ്രാഷ്ടാങ്കം അധികരിപ്പിക്കുക, കാരണം ഓരോ സുജൂദും നിന്റെ പദവി ഉയര്‍ത്തുകയും നിന്റെ ദോഷങ്ങള്‍ മായ്ക്കുകയും ചെയ്യും (ഹദീസ് മുസ്ലിം 488). 

സുന്നത്ത് നിസ്‌ക്കാരങ്ങള്‍ പലതാണ്. അവയില്‍ പ്രധാനമാണ് റവാത്തിബ് സുന്നത്ത് നിസ്‌ക്കാരങ്ങള്‍. ഫര്‍ള് നിസ്‌ക്കാരങ്ങള്‍ക്ക് മുമ്പോ ശേഷമോ ക്രമീകരിക്കപ്പെട്ടവയാണ് റവാത്തിബ് നിസ്‌ക്കാരങ്ങള്‍. ആ നിസ്‌ക്കാരങ്ങള്‍ ശീലമാക്കാനാണ് പ്രവാചകര്‍ (സ്വ) നമ്മോട് നിര്‍ദ്ദേശിച്ചിരിക്കുന്നത് : 'ദിവസവും ഫര്‍ള് നിസ്‌ക്കാരം കൂടാതെ പന്ത്രണ്ട് റക്അത്ത് സുന്നത്ത് നിസ്‌ക്കാരങ്ങള്‍ നിര്‍വ്വഹിക്കുന്നവന് അല്ലാഹു സ്വര്‍ഗത്തില്‍ ഒരു വീട് പണിതിരിക്കും' (ഹദീസ് മുസ്ലിം 728).

ഒരു വിശ്വാസി തന്റെ ഒരു ദിവസം തുടങ്ങേണ്ടത് തന്നെ സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരം നിര്‍വ്വഹിച്ചുകൊണ്ടാണ്. അത് അതിശ്രേഷ്ഠകരവും അതിപ്രതിഫലാര്‍ഹവുമാണ്. നബി (സ്വ) പറയുന്നു : സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരം ഈ ഐഹികലോകത്തെക്കാളും അതിലുള്ള മുഴുവതിനേക്കാളും ശ്രേഷ്ഠമാണ് (ഹദീസ് മുസ്ലിം 725). ഈ രണ്ടു റക്അത്തുകള്‍ ദുനിയാവിലുള്ള എല്ലാത്തിനേക്കാളും ഇഷ്ടമുള്ളതാണെന്ന് നബി (സ്വ) പറഞ്ഞതായി മറ്റൊരു റിപ്പോര്‍ട്ടുമുണ്ട് (ഹദീസ് മുസ്ലിം 725). അതു കൊണ്ട് തന്നെ അവ നിര്‍വ്വഹിക്കാന്‍ നബി (സ്വ) ആവേശം കാട്ടുമായിരുന്നു. പ്രിയ പത്‌നി ആയിഷ ബീബി (റ) പറയുന്നു : നബി (സ്വ) തങ്ങള്‍ സുബ്ഹിക്ക് മുമ്പുള്ള രണ്ടു റക്അത്ത് സുന്നത്ത് നിസ്‌ക്കാരത്തിന് ധൃതി കാട്ടുന്നത് പോലെ മറ്റൊരു സുന്നത്ത് നിസ്‌ക്കാരത്തനും ധൃതി കാട്ടുന്നതായി ഞാന്‍ കണ്ടിട്ടില്ല (ഹദീസ് മുസ്ലിം 724).

ളുഹ്‌റിന് മുമ്പുള്ള നാല് റക്അത്ത് സുന്നത്ത് നിസ്‌ക്കാരവും നബി (സ്വ) ആവേശപൂര്‍വ്വം നിര്‍വ്വഹിച്ചിരുന്നു. നബി (സ്വ) അവയൊരിക്കലും ഉപേക്ഷിച്ചിരുന്നില്ലെന്ന് ആയിഷ ബീബി  (റ) സാക്ഷ്യപ്പെടുത്തുന്നുണ്ട് (ഹദീസ് ബുഖാരി 1182). അപ്രകാരം തന്നെ ളുഹ്‌റിന് ശേഷമുള്ള നാല് റക്അത്ത് നിസ്‌ക്കാരവും നബി (സ്വ) ഇടതടവില്ലാതെ നിര്‍വ്വഹിച്ചിരുന്നു (ഹദീസ് തുര്‍മുദി 424). നബി (സ്വ) പറയുന്നു: ഒരാള്‍ ളുഹ്‌റിന് മുമ്പ് നാല് റക്അത്തും ശേഷം നാല് റക്അത്തും നില്‍ക്കരിച്ചാല്‍ അല്ലാഹു അവനിക്ക് നരകം നിഷിദ്ധമാക്കുന്നതാണ് (ഹദീസ് അബൂ ദാവൂദ് 1269, തുര്‍മുദി 427, നസാഈ 1814, ഇബ്‌നു മാജ 1160). മഗ് രിബിന് ശേഷമുള്ള രണ്ടു റക്അത്തു നിസ്‌ക്കാരവും നബി (സ്വ) നിത്യമാക്കിയിരുന്നു. ഇബ്‌നു ഉമര്‍ (റ) പറയുന്നു: മഗ് രിബിന് ശേഷമുള്ള രണ്ടു റക്അത്ത് നിസ്‌ക്കാരം നബി (സ്വ) വീട്ടില്‍ വെച്ച് നിര്‍വ്വഹിക്കുമായിരുന്നു (ഹദീസ് ബുഖാരി 1180). ഇബ്‌നു ഉമര്‍ (റ) സുന്നത്ത് നിസ്‌ക്കാരങ്ങള്‍ പഠിക്കാനും അവ നിലനിര്‍ത്താനും ജാഗ്രത കാട്ടിയിരുന്നു. മാത്രമല്ല, നബി (സ്വ)യുടെ കൂടെ പല തവണകളായി സുന്നത്ത് നിസ്‌ക്കാരങ്ങള്‍ നിര്‍വ്വഹിച്ചിട്ടുമുണ്ട് (ഹദീസ് ബുഖാരി, മുസ്ലിം).

സുന്നത്ത് നിസ്‌ക്കാരങ്ങള്‍ നിത്യമാക്കിയവന്റെ സംരക്ഷണം അല്ലാഹു ഏറ്റെടുത്തുവെന്ന് ഖുദ്‌സിയ്യായ ഹദീസിലുണ്ട് : 'അല്ലാഹു പറയുന്നു: നിര്‍ബന്ധിത കാര്യങ്ങള്‍ ചെയ്യല്‍ കൊണ്ടാണ് അടിമ എന്നിലേക്ക് അടുക്കുന്നത്. സുന്നത്തായ കാര്യങ്ങള്‍ ചെയ്ത് എന്നിലേക്ക് കൂടുതല്‍ അടുത്തുകൊണ്ടിരിക്കും. അങ്ങനെ ഞാന്‍ അവനെ ഇഷ്ടപ്പെടും. ഞാനവനെ ഇഷ്ടപ്പെട്ടാല്‍ അവന്‍ കേള്‍ക്കുന്ന കാത് ഞാനാവും, അവന്‍ കാണുന്ന കണ്ണ് ഞാനാവും, അവന്‍ പിടിക്കുന്ന കൈ ഞാനാവും, അവന്‍ നടക്കുന്ന കാല് ഞാനാവും. അവന്‍ എന്നോട് ചോദിച്ചാല്‍ ഞാനവന് കൊടുത്തിരിക്കും. അവന്‍ എന്നോട് കാവല്‍ തേടിയാല്‍ ഞാനവനെ കാത്തുസംരക്ഷിച്ചിരിക്കും' (ഹദീസ് ബുഖാരി 6502).

സുന്നത്ത് നിസ്‌ക്കാരങ്ങള്‍ വീട്ടില്‍ വെച്ചും നിര്‍വ്വഹിക്കാം. നബി (സ്വ) അരുളുന്നു: നിങ്ങള്‍ മസ്ജിദില്‍ വെച്ച് നിസ്‌ക്കാരം നിര്‍വ്വഹിച്ചാല്‍ വീട്ടില്‍ വെച്ചും നിസ്‌ക്കരിക്കാന്‍ അവസരമുണ്ടാക്കണം. നിശ്ചയം, ആ നിസ്‌ക്കാരം കാരണത്താല്‍ അല്ലാഹു ആ വീട്ടില്‍ നന്മ വരുത്തുന്നതായിരിക്കും (ഹദീസ് മുസ്ലിം 778). വീട്ടിലെ നിസ്‌ക്കാരത്തിലൂടെ ഗൃഹപുണ്യ പ്രാപ്തിക്കൊപ്പം വീട്ടിലുള്ള ചെറിയവര്‍ക്ക് പഠിക്കാനും മുതിര്‍ന്നവര്‍ക്ക് ഓര്‍ക്കാനും അവസരമുണ്ടാവും. മാത്രമല്ല കാരുണ്യത്തിന്റെ മാലാഖമാര്‍ വീട്ടിലിറങ്ങി വരികയും ചെയ്യും.

Hadith

റയ്യാന്‍ തുറക്കപ്പെട്ടു, ഇനി നമുക്ക് ആരാധനകളില്‍ മുഴുകാം

ഇസ്ലാമിക പഞ്ചസ്തംഭങ്ങളായ ഇസ്ലാം കാര്യങ്ങളിലെ അഞ്ചാമത്തേതാണ് റമളാന്‍ മാസത്തിലെ നോമ്പനുഷ്ഠാനം. നിര്‍ബന്ധവ്രതമാണ് റമളാനിലേത്. മുന്‍കാല പ്രവാചകസമുദായങ്ങള്‍ക്കും വ്രതമുണ്ടായിരുന്നു. ആ അനുഷ്ഠാനാചാരങ്ങളില്‍ ശ്രേഷ്ഠമാണ് പ്രവാചകര്‍ മുഹമ്മദ് നബി (സ്വ)യുടെ സമുദായത്തിന് പ്രത്യേകം നല്‍കപ്പെട്ട റമളാന്‍ വ്രതം. 

ഖുര്‍ആനിലൂടെ അല്ലാഹു തന്നെ വ്യക്തമാക്കുന്നുണ്ട് : സത്യവിശ്വാസികളേ, നിങ്ങളുടെ മുന്‍കാലക്കാര്‍ക്ക് നോമ്പ് നിര്‍ബന്ധമാക്കപ്പെട്ടതുപോലെ നിങ്ങള്‍ക്കും നോമ്പ് നിര്‍ബന്ധമാക്കപ്പെട്ടിരിക്കുന്നു. നിങ്ങള്‍ ദോഷബാധയെ തൊട്ട് സൂക്ഷിക്കുവാന്‍ വേണ്ടിയത്രെ അത് (സൂറത്തുല്‍ ബഖറ 183).

റമളാനിലെ സല്‍ക്കര്‍മ്മങ്ങള്‍ക്ക് ഇരട്ടിയിരട്ടി പ്രതിഫലങ്ങളാണ് അല്ലാഹു വാഗ്ദാനം ചെയ്യുന്നത്. അത് കൊണ്ട് തന്നെ ഈ ദിവ്യമാസത്തിലെ ധന്യനിമിഷങ്ങള്‍ സുകൃതങ്ങളില്‍ വിനിയോഗിക്കണമെന്ന് പരിശുദ്ധ ഇസ്ലാം മതം പ്രോത്സാഹിപ്പിക്കുന്നു. 

നബി (സ്വ) പറയുന്നു: റമളാന്‍ മാസം ആഗതമായാല്‍ ആദ്യ രാത്രി തന്നെ പിശാചുകളും ജിന്നുകളിലെ ധിക്കാരികളും ചങ്ങലകളില്‍ ബന്ധിക്കപ്പെടും. എല്ലാ നരക വാതിലുകളും അടക്കപ്പെടുകയും എല്ലാ സ്വര്‍ഗ വാതിലുകളും തുറക്കപ്പെടുകയും ചെയ്യും. മാത്രമല്ല, ഒരു വിളിയാളമുയരും: 'യേ നന്മ കൊതിക്കുന്ന ആളുകളേ നിങ്ങള്‍ മുന്നോട്ടു വരിക, തിന്മയില്‍ അഭിരമിക്കുന്നവരേ നിങ്ങള്‍ പിന്നോട്ടു പോവുക' (ഹദീസ് തുര്‍മുദി 682, ഇബ്‌നു മാജ 1642). 

ഇത് നോമ്പുകാര്‍ക്ക് അല്ലാഹുവിലേക്കുള്ള സാമീപ്യം സാധ്യമാക്കാനുള്ള വിളിയാളമാണ്. ഈ മാസമാസകലം സല്‍പ്രവൃത്തികള്‍ ചെയ്ത് വിശ്വാസികള്‍ ആ വിളിക്ക് ഉത്തരം ചെയ്യേണ്ടിയിരിക്കുന്നു. ഓരോ പുലരിയിലും സൂര്യന്‍ ഉദിക്കുമ്പോഴെല്ലാം അതിന്റെ ഇരു വശങ്ങളിലായി രണ്ടു മാലാഖമാര്‍ ഇറങ്ങി വന്ന് മനുഷ്യ ജിന്നുകളല്ലാത്ത സൃഷ്ടികളോട് നാഥനിലേക്ക് മുന്നിട്ടിറങ്ങണമെന്ന് വിളിച്ചുപറയുമെന്ന് നബി (സ്വ) അരുളിയിട്ടുണ്ട് (ഹദീസ് അഹ്മദ് 21721).

ആ ദൈവിക വിളിയാളത്തിനുള്ള പ്രതികരണം ആരാധനകള്‍ തന്നെയാണ്. ആ ആരാധനകളില്‍ പ്രാധാന്യമുള്ളത് സാഷ്ടാംഗവും കീഴ്‌വണക്കവുമുള്‍ക്കൊള്ളുന്ന നമസ്‌ക്കാരമാണ്. അല്ലാഹു പറയുന്നുണ്ട് : സത്യവിശ്വാസികളേ, നിങ്ങള്‍ കുമ്പിടുകയും സാഷ്ടാംഗം ചെയ്യുകയും (നമസ്‌ക്കരിക്കുകയും) അല്ലാഹുവിനെ ആരാധിക്കുകയും നന്മ പ്രവര്‍ത്തിക്കുകയും ചെയ്യുക. നിങ്ങള്‍ വിജയം പ്രാപിച്ചേക്കാം (ഖുര്‍ആന്‍, സൂറത്തുല്‍ ഹജ്ജ് 77). 

നമസ്‌ക്കാരം ഇസ്ലാമികാരാധനകളിലെ മര്‍മ്മ ഘടകമാണ്. അത് നിലനിര്‍ത്തിയവനില്‍ മാത്രമേ ഇസ്ലാമികത കുടിക്കൊള്ളുന്നുള്ളൂ. അതിനെ തിരസ്‌ക്കരിച്ചവന്‍ സ്വയം നാശത്തിലേക്ക് വഴിതുറന്നവനാണ്. പ്രവാചകര്‍ മുഹമ്മദ് നബി (സ്വ) പറയുന്നു: എല്ലാ നമസ്‌ക്കാര സമയത്തും ഒരു വിളിയാളം വരും ഹേ മനുഷ്യരേ നിങ്ങള്‍ എഴുന്നേറ്റ് നമസ്‌ക്കരിക്കുക, എന്നാല്‍ നിങ്ങളുടെ മനസ്സുകളില്‍ ആളിക്കൊണ്ടിരിക്കുന്ന ദോഷങ്ങളെ കെടുത്താനാവും. അങ്ങനെ അവര്‍ എഴുന്നേറ്റ് അംഗശുദ്ധി വരുത്തിയാല്‍ അവരുടെ തെറ്റുകുറ്റങ്ങള്‍ കൊഴിഞ്ഞുവീഴും. അവര്‍ നമസ്‌ക്കാരം നിര്‍വ്വഹിച്ചാല്‍ ദോഷങ്ങളൊക്കെ പൊറുക്കപ്പെടുകയും ചെയ്യും. രാത്രിയിലെ ഇശാ നമസ്‌ക്കാരവും തഥൈവ. ഇശാ നമസ്‌ക്കാരം കഴിഞ്ഞ് പാപമോചിതരായായിരിക്കും അവര്‍ ഉറങ്ങുക (ഹദീസ്). 

നമസ്‌ക്കാരങ്ങള്‍ സമയാസമയങ്ങളില്‍ ജമാഅത്തായി നിര്‍വ്വഹിക്കണമെന്നാണ് പ്രവാചകാഹ്വാനം.

ദൈവസ്മരണ നടത്താനും ദൈവ വിളിയാളം വന്നിട്ടുണ്ട്. ദൈവസ്മരണ നടത്തുന്നവര്‍ക്ക് ശ്രേഷ്ഠ പ്രതിഫലവും പാപമോചനവുമുണ്ടെന്ന് അല്ലാഹുവില്‍ നിന്ന് വിളിയാളം നടത്തുന്നവര്‍ അറിയിക്കുന്നുണ്ട്. അല്ലാഹു പറയുന്നു: സത്യവിശ്വാസികളേ നിങ്ങള്‍ അല്ലാഹുവെ ധാരാളമായി അനുസ്മരിക്കുകയും കാലത്തും വൈകുന്നേരവും അവനെ പ്രകീര്‍ത്തിക്കുകയും ചെയ്യുക (ഖുര്‍ആന്‍, സൂറത്തുല്‍ അഹ്‌സാബ് 41, 42). 

നബി (സ്വ) പറയുന്നു: ദൈവ പ്രീതി മാത്രം കാംക്ഷിച്ചുക്കൊണ്ട് കൂട്ടമായിരുന്ന് അല്ലാഹുവിനെ സ്മരിക്കുന്നവരിലേക്ക് ആകാശത്തില്‍ നിന്നൊരു വിളിയാളം വരും 'നിങ്ങള്‍ പാപസുരക്ഷിതരായി എഴുന്നേറ്റുക്കൊള്ളുക, നിശ്ചയം നിങ്ങളുടെ ദോഷങ്ങള്‍ക്ക് പകരം സല്‍ക്കര്‍മ്മങ്ങള്‍ കുറിക്കപ്പെട്ടിരിക്കുന്നു' (ഹദീസ് അഹ്മദ് 12453). ഖുര്‍ആന്‍ പാരായണമാണ് ഏറ്റവും ഉല്‍കൃഷ്ടമായ ദൈവസ്മരണ. ദൈവിക ഗ്രന്ഥമായ ഖുര്‍ആന്‍ പാരായണവും മഹത്തായ ആരാധനയാണല്ലൊ. ഖുര്‍ആന്‍ ഓതി വണ്ണമായ പ്രതിഫലാര്‍ഹരവണമെന്ന് ദൈവവിളിയാളവും പ്രവാചകാഹ്വാനവുമുണ്ട്.

നന്മയുടെ വഴിയില്‍ ദാനധര്‍മ്മം ചെയ്യാന്‍ അല്ലാഹു കല്‍പ്പിക്കുന്നുണ്ട്. സത്യവിശ്വാസികളേ നാം നല്‍കിയ ധനത്തില്‍ നിന്ന് ചെലവ് ചെയ്യുക (ഖുര്‍ആന്‍, സൂറത്തുല്‍ ബഖറ 254). ദാനധര്‍മ്മം ചെയ്യുന്നവന് അതിന്റെ ഇരട്ടികള്‍ കരഗതമാവുമെന്നും എണ്ണമറ്റ സൗഭാഗ്യങ്ങള്‍ വരുമെന്നും നബി (സ്വ) പഠിപ്പിക്കുന്നു. 

ദൈവവിളിയാളത്തിന് ഉത്തരം നല്‍കിയവര്‍ വിത്യസ്ത സ്വര്‍ഗവാതിലുകളിലൂടെയാണ് ക്ഷണിക്കപ്പെടുക. നമസ്‌ക്കരിച്ചവര്‍ സ്വലാത്തിന്റെ വാതിലൂടെയും ദാനധര്‍മ്മം ചെയ്ത് അനുഗ്രഹീതരായവര്‍ സ്വദഖയുടെ വാതിലൂടെയും നോമ്പനുഷ്ഠിച്ചവര്‍ റയ്യാനെന്ന സ്വര്‍ഗത്തിന്റെ വാതിലൂടെയും വിളിക്കപ്പെടും (ഹദീസ് ബുഖാരി, മുസ്ലിം). 

സ്വര്‍ഗലോകത്ത് നോമ്പനുഷ്ഠിച്ചവര്‍ക്ക് മാത്രമായി ഒരു സ്വര്‍ഗമുണ്ട്, അതാണ് റയ്യാന്‍. അതില്‍ നോമ്പുകരല്ലാതെ വേറൊരാളും പ്രവേശിക്കുകയില്ല. സ്വര്‍ഗം പ്രവേശം നേടിയവര്‍ക്ക് കിട്ടുന്ന ഏറ്റവും വലിയ സൗഭാഗ്യമാണ് ദൈവദര്‍ശനം. സ്വര്‍ഗം സിദ്ധിച്ചവര്‍ക്ക് അല്ലാഹുവിനെ കാണാനുള്ള വിളിയാളമുണ്ടാവുമെന്ന് നബി (സ്വ) അരുള്‍ ചെയ്തിട്ടുമുണ്ട്. നോമ്പനുഷ്ഠിച്ചവരും ആ ദര്‍ശനഭാഗ്യം ലഭിച്ചവരില്‍പ്പെടും.

നമ്മുടെ രാത്രികള്‍ ആരാധനകള്‍കൊണ്ട് പകലുകളാവട്ടെ

രാപ്പകലുകള്‍ അല്ലാഹുവില്‍ നിന്നുള്ള ദൃഷ്ടാന്തങ്ങളാണ്. 'രാപ്പകലുകള്‍ മാറ്റിക്കൊണ്ടിരിക്കുന്നതിലും ആകാശഭൂമികളില്‍ അല്ലാഹു സൃഷ്ടിച്ചതിലും സൂക്ഷിക്കുന്ന ജനതക്ക് നിശ്ചയമായും ദൃഷ്ടാന്തങ്ങളുണ്ട്' (ഖുര്‍ആന്‍, സൂറത്തു യൂനൂസ് 6). ഒരു ദിവസം രാത്രി ബിലാല്‍ (റ) നബി (സ്വ)യുടെ അടുക്കല്‍ വന്നപ്പോള്‍ തങ്ങളെ കരയുന്നതായി കണ്ടു. ബിലാല്‍ (റ) ചോദിച്ചു: അല്ലാഹുവിന്റെ തിരുദൂതരേ... താങ്കളെന്തിനാണ് കരയുന്നത? നിശ്ചയം അല്ലാഹു താങ്കള്‍ക്ക് കഴിഞ്ഞതും വരാനിരിക്കുന്നതുമായ സകലതും പൊറുത്തുത്തന്നിരിക്കുകയാണല്ലൊ. അപ്പോള്‍ നബി (സ്വ) പറഞ്ഞു: ഇന്ന് രാത്രി എനിക്ക് ഒരു ഖുര്‍ആനിക സൂക്തം അവതരിച്ചിട്ടുണ്ട്. അത് പാരായണം ചെയ്തിട്ടും അതില്‍ ചിന്തിക്കാത്തവനാണ് നാശം. ശേഷം നബി (സ്വ) മേല്‍ സൂക്തം ഓതി (ഹദീസ് ബുഖാരി, മുസ്ലിം).

രാവുകള്‍ വെറും വിശ്രമവേളകളല്ല. ദൈവസ്മരണയാലും പ്രാര്‍ത്ഥനകളാലും സുകൃതപൂരിതമാക്കേണ്ട ധന്യനിമിഷങ്ങളാണ് രാവുകളിലേത്. പ്രവാചകര്‍ മുഹമ്മദ് നബി (സ്വ) രാവുകളിലെ സമയം വിശ്രമത്തിനും കുടുംബവുമായി കൂട്ടുകൂടുന്നതിനും ചെലവഴിക്കുന്നതോടൊപ്പം ആരാധനകള്‍ കൊണ്ടും ധന്യമാക്കിയിരുന്നു. പരിശുദ്ധ ഖുര്‍ആന്‍ പ്രസ്താവിച്ചിരിക്കുന്നു: ചിന്തിക്കുവാനോ നന്ദി പ്രകടിപ്പിക്കാനോ ഉദ്ദേശിക്കുന്നവര്‍ക്കുവേണ്ടി രാവിനെയും പകലിനെയും മാറിക്കൊണ്ടിരിക്കുന്നതായിയാക്കിയതും അവന്‍ തന്നെയാണ് (ഖുര്‍ആന്‍, സൂറത്തുല്‍ ഫുര്‍ഖാന്‍ 62). രാപ്പകലുകളില്‍ ചിന്തിക്കാനും നന്ദി പ്രകടിപ്പിക്കാനുമുള്ള ഉത്തമമാതൃകയാണ് നബി (സ്വ) നമ്മുക്ക് കാണിച്ചുത്തന്നത്. പ്രവാചകര്‍ (സ്വ) ഏതിലും ഉദാത്ത മാതൃകയാണെന്ന് ഖുര്‍ആന്‍ തന്നെ വ്യക്തമാക്കുന്നുണ്ട് (സൂറത്തുല്‍ അഹ്‌സാബ് 21).

സത്യവിശ്വാസിയുടെ രാവ് തുടങ്ങുന്നത് മഗ്‌രിബ് നമസ്‌ക്കാരത്തോടെയാണ്. ഇശാ നമസ്‌ക്കാരവും നിര്‍വ്വഹിക്കണം. ശേഷം വീട്ടില്‍ നിന്ന് രണ്ട് റക്അത്ത് സുന്നത്ത് നമസ്‌ക്കാരം നിര്‍വ്വഹിക്കണം. പിന്നെ കുടുംബവുമായി സമ്പര്‍ക്കം പുലര്‍ത്തുകയും സംസാരിക്കുകയും വേണം. ഇബ്‌നു അബ്ബാസ് (റ) പറയുന്നു: ഒരു ദിവസം രാത്രി ഞാന്‍ എന്റെ അമ്മായി മൈമൂനയുടെ വീട്ടിലായിരുന്നു. അന്നേ ദിവസം രാത്രി നബി (സ്വ) കുടുബവുമായി ഒരു മണിക്കൂറോളം സംസാരിക്കുകയുണ്ടായി (ഹദീസ് ബുഖാരി, മുസ്ലിം). നബി (സ്വ) ആ സമയം അവരുമായി സ്‌നേഹഭദ്രത ഉറപ്പുവരുത്തുമായിരുന്നു.

ഉറങ്ങുന്നതിന് മുമ്പ് അംഗശുദ്ധി വരുത്താന്‍ നബി (സ്വ) പ്രോത്സാഹിപ്പിച്ചിരുന്നു. നബി (സ്വ) പറയുന്നു: നീ ഉറങ്ങാന്‍ ഒരുങ്ങിയാല്‍ നമസ്‌ക്കാരത്തില്‍ ചെയ്യുന്ന പ്രകാരമുള്ള വുളൂഅ് ചെയ്യണം (ഹദീസ് ബുഖാരി, മുസ്ലിം). വുളൂഇന് ശേഷം ഉറങ്ങുന്നതിനുള്ള പ്രത്യേക ദിക്‌റുകള്‍ ചൊല്ലണം. ഭക്ഷണ പാനീയങ്ങളും അഭയവും നല്‍കിയ അല്ലാഹുവിനെ സ്തുതിക്കുകയും വേണം. വിരിപ്പിലേക്ക് ചെന്നാല്‍ രണ്ടു കൈപ്പത്തികള്‍ കൂട്ടിപ്പിടിക്കണം. ശേഷം സൂറത്തുല്‍ ഇഖ്‌ലാസ്, സൂറത്തുല്‍ ഫലഖ്, സൂറത്തുന്നാസ് ഓതി കൈപ്പത്തികളില്‍ ഊതി ശരീരത്തില്‍ നിന്ന് സാധ്യമാവുന്ന ഭാഗത്തൊക്കെ തടവണം. ഇപ്രകാരം മൂന്നു പ്രാവശ്യം ചെയ്യണം. ശേഷം വലതുഭാഗത്തായി ചെരിഞ്ഞ് കിടക്കണം. 

രാത്രിയില്‍ നേരത്തെ ഉറങ്ങണം. രാത്രിയെ അല്ലാഹു നമ്മുക്ക് അഭയമായി തന്നതാണല്ലൊ. അല്ലാഹു പറയുന്നു: നാം നിങ്ങളുടെ നിദ്രയെ വിശ്രമവും രാത്രിയെ വസ്ത്രവുമാക്കിത്തന്നില്ലെ (ഖുര്‍ആന്‍, സൂറത്തു ന്നബഅ് 9, 10). ഉറക്കില്‍ നിന്നുണര്‍ന്നാലും പ്രത്യേകം ദിക്‌റുകളും പ്രാര്‍ത്ഥനകളും ചൊല്ലണം. അല്ലാഹുവിനെ സ്തുതിക്കുകയും വേണം. രാത്രിയില്‍ ഒരു സമയമുണ്ട്, ആ സമയത്ത് അല്ലാഹുവിനോട് ഐഹിക പാരത്രിക പുണ്യം ചോദിച്ചാല്‍ അല്ലാഹു അവന്ന് നല്‍കിയിരിക്കും (ഹദീസ് മുസ്ലിം 757). രാത്രിയില്‍ വുളൂഅ് ചെയ്താല്‍ ഓരോ കഴുകലിലും അവന്റെ പ്രതിബന്ധങ്ങള്‍ നീങ്ങും. അങ്ങനെ അവന്‍ അല്ലാഹുവിനോട് ചോദിച്ചാല്‍ നല്‍കിയിരിക്കും (ഹദീസ് സ്വഹീഹ് ഹിബ്ബാന്‍ 330/ 2,  അഹ്മദ് 17921).

നബി (സ്വ) രാത്രിയുടെ പകുതി സമയത്ത് ഉറക്കില്‍ നിന്നുണര്‍ന്ന് പൂര്‍ണരീതിയില്‍ വുളൂഅ് ചെയ്ത് തഹജ്ജുദ്  നിസ്‌ക്കരിക്കുമായിരുന്നു (ഹദീസ് ബുഖാരി 183). അല്ലാഹു പറയുന്നു: രാത്രി കുറച്ചു സമയം ഉറക്കമുണര്‍ന്നു ഖുര്‍ആന്‍ ഓതിക്കൊണ്ട് നമസ്‌ക്കരിക്കുക. താങ്കള്‍ക്ക് കൂടുതലായുള്ളതാണ് ഇത്. താങ്കളെ രക്ഷിതാവ് സ്തുതര്‍ഹ്യമായ സ്ഥാനത്ത് എത്തിക്കുവാന്‍ ഇടയുണ്ട് (ഖുര്‍ആന്‍, സൂറത്തു ഇസ്‌റാഅ് 79). രാനമസ്‌ക്കാരങ്ങള്‍ നിര്‍വ്വഹിക്കുന്നവന് മഹത്തായ പ്രതിഫലമുണ്ടെന്ന് നബി (സ്വ) പഠിപ്പിക്കുന്നു. നബി (സ്വ) പറയുന്നു: ഫര്‍ള് നമസ്‌ക്കാരത്തിന് ശേഷം ഏറ്റവും ശ്രേഷ്ഠമായത് രാത്രി നമസ്‌ക്കാരമാണ് (ഹദീസ് മുസ്ലിം 1163).

രാത്രിയുടെ അവസാന സമയത്ത് അല്ലാഹു താഴെയുള്ള ആകാശഭാഗത്ത് വന്ന് ചോദിക്കും: ആരെങ്കിലും ചോദിക്കുന്നുവോ നല്‍കിയിരിക്കും, ആരെങ്കിലും പ്രാര്‍ത്ഥിക്കുന്നുവോ ഉത്തരം നല്‍കിയിരിക്കും, ആരെങ്കിലും പാപമോചനം തേടുന്നവോ പൊറുത്തുകൊടുത്തിരിക്കും (ഹദീസ് ബുഖാരി 785).

ഉറക്കില്‍ നിന്ന് ഉണര്‍ന്ന് കുടുബക്കാരെയും ഉണര്‍ത്തി രണ്ടു റക്അത്ത് നിസ്‌ക്കരിച്ചാല്‍ ദാകിരീങ്ങളില്‍പ്പെടുമെന്ന് നബി (സ്വ) പറഞ്ഞിട്ടുണ്ട് (ഹദീസ് അബൂ ദാവൂദ് 1309, ഇബ്‌നു മാജ 1335). രാത്രി അവസാനിക്കേണ്ടത് വിത് ര്‍ നമസ്‌ക്കാരത്തോടെയാണ്. വിത്‌റിനെ രാത്രിയിലെ അവസാനത്തെ നമസ്‌ക്കാരമാക്കണമെന്നാണ് നബി (സ്വ)യുടെ കല്‍പന (ഹദീസ് ബുഖാരി, മുസ്ലിം).

പ്രവാചകസദസ്സുകള്‍ സ്വര്‍ഗീയ വിരുന്നുകള്‍

പ്രവാചകര്‍ മുഹമ്മദ് നബി (സ്വ) സ്വഹാബികള്‍ക്കായി നടത്തിയിരുന്ന സദസ്സുകള്‍ ചരിത്ര പ്രസിദ്ധമാണല്ലൊ. അവശതകള്‍ക്കുള്ള സ്വാന്തനവും പ്രശ്‌നങ്ങള്‍ക്കുള്ള പരിഹാരവുമായിരുന്നു ആ മജ്‌ലിസുകള്‍. അതിലുപരി ആത്മീയ സംഗ

പ്രവാചകരുടെ ആശയ സംവേദന രീതികള്‍ (ഭാഗം: 2)

മനസ്ഥൈര്യവും ദൃഢനിശ്ചയവുമില്ലാതെ പുരോഗമനപരമായ ഒരു കാര്യവും ചെയ്യാന്‍ മനുഷ്യര്‍ക്ക് സാധ്യമല്ല. ചിലര്‍ സ്വതവേ മനസ്ഥൈര്യം കൂടുതലുള്ളവരായിരിക്കും. എന്നാല്‍ മറ്റു ചിലര്‍ ആദ്യമേ അങ്ങനെ ആയിരിക്കണമെന്നില്ല.

മുഹമ്മദ് നബി: 12 ജീവിത ചിത്രങ്ങള്‍

മരുഭൂമിയിലാണ് തിരുനബി തുടങ്ങിയത്; പിന്നെ, അതിന്നും അവസാനിച്ചിട്ടില്ല. കറുത്തിരുണ്ട രാവിന്റെ ഗര്‍ഭ ഗൃഹത്തില്‍ നിന്നും പ്രകാശത്തിന്റെ പുലരി പിറക്കുന്നതു പോലെ, കറുത്ത കാലത്തെ കീഴ്പ്പെടുത്തി തിളങ്ങുന്ന പ

അല്ലാഹു ആഘോഷിച്ചു, വിശ്വാസികളും മുത്ത്‌നബിയെ ആഘോഷിക്കുന്നു

മനസ്ഥൈര്യവും ദൃഢനിശ്ചയവുമില്ലാതെ പുരോഗമനപരമായ ഒരു കാര്യവും ചെയ്യാന്‍ മനുഷ്യര്‍ക്ക് സാധ്യമല്ല. ചിലര്‍ സ്വതവേ മനസ്ഥൈര്യം കൂടുതലുള്ളവരായിരിക്കും. എന്നാല്‍ മറ്റു ചിലര്‍ ആദ്യമേ അങ്ങനെ ആയിരിക്കണമെന്നില്ല.

അബൂബക്കര്‍ സ്വിദ്ദീഖ് (റ) സര്‍വ്വം ത്യജിച്ച വിശ്വാസി

സ്വഹാബികളില്‍ പ്രഥമഗണ്യനാണ് ഒന്നാം ഖലീഫ അബൂബക്കര്‍ സിദ്ധീഖ് (റ). വിശ്വാസത്തിലും വിശ്വസ്തതയിലും ഒന്നാമന്‍. പ്രവാചകര്‍ മുഹമ്മദ് നബി (സ്വ) കൊണ്ടുവന്നതെല്ലാം പൂര്‍ണാര്‍ത്ഥത്തില്‍ വിശ്വസിച്ചത് കൊണ്ടാണ് അബൂ

ടി.പി. ഇപ്പ മുസ് ലിയാര്‍: ജ്ഞാനിയുടെ ജീവിതം

ശൈഖുനാ ടി.പി. ഇപ്പ മുസ്ലിയാരെന്ന അഭിവന്ദ്യ ഗുരുനാഥനെ ഓര്‍ക്കുമ്പോള്‍ അറിയാതെ നയനങ്ങള്‍ സജലങ്ങളാകുന്നു. വാത്സല്യനിധിയായ ഗുരുവിന്റെ മായാത്ത ഓര്‍മച്ചിത്രങ്ങള്‍ മനസ്സില്‍ മിന്നിമറയുന്നു.

ഇബ്‌നുഹജരില്‍ഹൈതമി(റ); ശാഫിഈ മദ്ഹബിലെ ചീഫ് ജസ്റ്റിസ്

ശാഫിഈ മദ്ഹബിലെ പണ്ഡിതരില്‍ വിശ്വപ്രസിദ്ധനാണ് ഇബ്‌നുഹജരില്‍ ഹൈതമി(റ). മദ്ഹബില്‍ പ്രാമാണിക ഗ്രന്ഥമായ തുഹ്ഫതുല്‍മുഹ്താജിന്റെ രചയിതാവെന്നതിലുപരി നിരവധി പ്രത്യേകതളദ്ദേഹത്തിനുണ്ട്. ശാഫിഈ മദ്ഹബിലെ കര്‍മ്മശാസ

പാനൂര്‍ തങ്ങള്‍: പാണ്ഡിത്യത്തിന്റെ വിശ്വരൂപം

പുണ്യപ്രവാചകന്‍ മുഹമ്മദ്(സ്വ)യുടെ കാലഘട്ടത്തില്‍ മാലിക് ദീനാര്‍(റ) കൊളുത്തിവച്ച ഇസ്‌ലാമിന്റെ വെളിച്ചം കേരളമാസകലം പ്രകാശിപ്പിച്ചത് നിസ്വാര്‍ത്ഥരായ പണ്ഡിതരാണ്. കാടും കടലും മണല്‍പരപ്പും താണ്ടി പരിശുദ്ധ ഇ

രാത്രി നമസ്‌കാരങ്ങളുടെ മാസം

സൂറത്തുല്‍ മുസ്സമില്‍ ആരംഭിക്കുന്നത് ഇങ്ങനെയാണ്. അല്ലാഹു പ്രവാചകരോടായി പറയുന്നു: 'ഹേ, പുതപ്പിട്ടു മൂടിയവരേ, രാത്രി അല്‍പസമയം ഒഴിച്ച് എഴുന്നേറ്റ് നിന്ന് നിസ്‌കരിക്കുക. രാത്രിയുടെ പകുതി, അല്ലെങ്കില്‍ അത

റമദാന്‍: ഉദാരത ശീലിപ്പിക്കുന്ന വിദ്യാലയം

ദാനധര്‍മങ്ങള്‍ ചെയ്യാന്‍ ആളുകള്‍ക്ക് പരിശീലനവും പ്രേരണയും നല്‍കുന്ന ഒരു കേന്ദ്രം പോലെയാണ് റമദാന്‍ കാലം പ്രവര്‍ത്തിക്കുന്നത്. അല്ലാഹു പറയുന്നു:

നോമ്പുകാരന്റെ മന്ത്രങ്ങള്‍

അല്ലാഹുവിനെക്കുറിച്ച ഓര്‍മകള്‍ നിരന്തരം മനസ്സില്‍ നിലനിര്‍ത്തുന്ന പ്രത്യേകം ചില ദിക്‌റുകളും മന്ത്രങ്ങളുമുണ്ട് നോമ്പുകാരന്. മറ്റാരെക്കാളും ദൈവസ്മരണകള്‍ വര്‍ദ്ധിപ്പിക്കുന്നവനാണ് അവന്‍. തക്ബീറിലും തസ്ബീഹ

റമദാനും ഖുര്‍ആനും

പരസ്പരം സ്‌നേഹിക്കുന്ന രണ്ട് സുഹൃത്തുക്കളെപ്പോലെയാണ് റമദാനും ഖുര്‍ആനും. പല നിലക്കും അവ പരസ്പരം ബന്ധപ്പെട്ടിരിക്കുന്നു. അല്ലാഹു പറയുന്നു: 'ജനങ്ങള്‍ക്ക് മാര്‍ഗദര്‍ശനവും സത്യത്തില്‍നിന്നും അസത്യത്തില്‍ന

ഇബ്‌റാഹീം നബിയുടെ ജീവിതസന്ദേശമാണ് ബലിപെരുന്നാള്‍

ഇബ്‌റാഹീം നബി (അ)യുടെ ജീവിതസന്ദേശമാണു ബലിപെരുന്നാളും ഹജ്ജും. വിശ്വാസി ജീവിതത്തില്‍ സ്വീകരിക്കേണ്ട സര്‍വമാതൃകകളും ഇബ്‌റാഹീം നബി (അ)യുടെ ജീവിതത്തിലൂടെ പഠിപ്പിക്കുന്നുണ്ട്. ഇലാഹീ വഴികളിലേക്കു ദിവ്യബോധനങ്

ഉള്ഹിയ്യത്ത്; ഒരു കര്‍മ്മശാസ്ത്ര വായന

മുസ്‌ലിം ലോകം ഇന്ന് സന്തോഷത്തിലാണ്. ഒരു അതിഥിയെ സല്‍ക്കരിക്കുന്ന ഒരുക്കത്തിലുമാണ്. പരിശുദ്ധ റമളാനിന്റെ വിടപറയലിന്ന് ശേഷം ദുല്‍ഹിജ്ജയുടെ നിലാവെളിച്ചം മാനത്ത് കണ്‍കുളിര്‍ക്കെ കണ്ടുകൊണ്ടിരിക്കുകയാണ് വിശ

ഹജ്ജ്: കര്‍മങ്ങളുടെ അകംപൊരുള്‍ തേടുമ്പോള്‍

ആത്മാവും ഹൃദയവും ശരീരവും ഒന്നിക്കുന്ന അവാച്യമായ നിമിഷങ്ങളെക്കുറിച്ചാണ് ഹജ്ജിന് പറയാനുള്ളത്. ഓരോ മുസ്‌ലിമിന്നും നിര്‍ബന്ധ ബാധ്യതയായ കര്‍മമെന്നതിലുപരി ഒരുപാട് അര്‍ത്ഥ തലങ്ങള്‍ ഹജ്ജിനുണ്ട്. ആത്മാവിന്റെയ

ദേഹേച്ഛകളുടെമേല്‍ കത്തിവെക്കുന്നതിന്റെ ഓര്‍മകളാണ് ബലിപെരുന്നാള്‍

ത്യാഗത്തിന്റെയും ആത്മസമര്‍പ്പണത്തിന്റെയും ദീപ്ത സ്മരണകള്‍ പങ്കുവെക്കുന്നതാണ് ബലിപെരുന്നാള്‍. അല്ലാഹുവിന്റെ കല്‍പനക്കും പ്രീതിക്കും വേണ്ടി ഏറ്റവും വിലപ്പെട്ടതിനെപ്പോലും ത്യജിക്കുവാന്‍ മനുഷ്യന്‍ തയ്യാറാ